Horum „Goden Avend leev Lüü, fein, dat man sük weer sücht. Is gaar nich lang her, as dat kört för Wiehnachten weer“. So begröttden Johanna Fürstenwerth, Leevke Dierks, Bente Hinrichs, Johanna Reiche, Mila Aysche un Henja Haschenburger lest Sönndag de Tohörers bi’ d Plattdüütsch Klönen in de oll Molkeree in Horum.
De Kinner van d’ Tetta van d’ Oldersum-Grundschool ut Tettens, de mit Andacht wat upföhrden, weer vör de Meesten dat Mooiste an disse Avend und ok Kröger Bernhard Eden weer d’r blied över. Anni Grade ut Oldörp weer mit 98 Johr de Ollste in t’ Saal.
Knapp een halv Stünn leesden de Kinner Wienachtsriemsel up Platt vör. Im so verwunnerliker, wieldat se eerst för dree Maant d’r mit anfangen sünd. Sied dree Jahr maakt Renate Reck de Arbeidsgemeenskupp „Plattdüütsch“ se bedankde sük bi all de Lüü, de mit hör Besöök helpen deen, dat d‘r Geld över bleev för Böker un all de anner Saken för de Plattdüütschstünn.
Einwilligung und Werberichtlinie
Ja, ich möchte den täglichen NWZonline-Newsletter erhalten. Meine E-Mailadresse wird ausschließlich für den Versand des Newsletters verwendet. Ich kann diese Einwilligung jederzeit widerrufen, indem ich mich vom Newsletter abmelde (Hinweise zur Abmeldung sind in jeder E-Mail enthalten). Nähere Informationen zur Verarbeitung meiner Daten finde ich in der Datenschutzerklärung, die ich zur Kenntnis genommen habe.
Se vertellde de Lüü, dat se de Kinner verklaart harr, dat Plattdüütsch maal de Weltspraak van de noordeuropäisken Kultur- un Handelsgewesten west weer. Se weer blied, dat hör Plattdüütsch-Schöler Suntke Buß to Huus mit sien Moder platt snacken dee.
To’n Sluss sungen de Kinner dat Leed van de Wiehnachtsbackeree. De Lüü gefull dat, se klatschden düchtig un weren blied, dat dat noch Kinner gifft, de up Platt wat upföhrt – un de Kinner, de willt tokomen Jahr weer mitmaken. In Tettens löppt dat, beloovde Eden de School un beduurde, dat so wenig Mesters helpt, Plattdüütsch in de Olldag intobringen. De Kinner kregen en Tuut mit Wienachtskookjes van Renate Reck un ok för Bernhard Eden weer en bietje över.
Na d’ Vesper mit Tee, Brood, Botter un lecker Schink weren de „Platters“ mit Wiehnachtsleder an de Rieg. Hartwig Gerdes un Uwe Siuts stahn för Plattdüütsch, un se leevt daarför, dat uns Moderspraak nich vergeten word. De beid geven de Tohörers dat Geföhl, dat man mit plattdüütsch Wöör de Wiehnachtstied vööl beter beleven kann, so as bi „Sacht fallt de Sneei“.
Neei bi de „Platters“ weer dat Jeverland-Leed van Erich Kelterborn, de Vader van Gerd Kelterborn, de fröher in Ostiem wohnde.
Dat Vördragen van Karin Eilers ut Cleverns an disse Avend weer vööl ut olle Tieden. Se weet ok noch van de Brannwien mit Rosinen de d’ geev, wenn wat Lüüts upsteiht, wat ut Mood is. In sien oostfreesk Platt vertellde de Wittmunder Gerold Bünting, wat he alls so belevt hett. Bünting weer ok lang Tied Schandarm in Jever un verklaarde de Lüü: „Wenn du traut büst, worst du blind, sützt kien Geld mehr.
