• Jobs
  • Immo
  • Auto
  • Kleinanzeigen
  • Trauer
  • Hochzeit
  • Guide
  • Shop
  • Tickets
  • nordbuzz
  • Fußball
  • Werben
  • Kontakt
 
NWZonline.de Region Friesland Kultur

Klönsnack: Plattdüütsch is Heimat un Kultur

21.02.2017

Horum Bi de Plattdüütsk Klönsnack in Horum geev dat för Marianne Kaiser-Fuchs, Baas van der Kinnergaarn in Hor’mersiel, en Kast mit plattdüütsk Böker. Se weer heel blied över dat Geschenk van Bernhard Eden, dat he mit de Plattdüütsk-Beupdraggte Hermann Wilken för hör utsöcht haar. Ehrdat dat nu Vörjahr word, gifft dat noch een Klönsnack. Dat geböhrt Enn Määrt mit Dr. Marron Curtis Fort, de as Amerikaner nettso mooi und süver Platt snackt as all Noorddüütsken.

Vörweg geev dat, nett as alltied, vör de över 170 Lüü ‘n lecker Köppke Tee un smakelk Botterbrood mit Schink. Sied ruugweg 30 Jahr gifft dat nu al de Plattdüütsk Klönsnack van Bernhard Eden. So lang dorbi is ok Waltraud Brüling ut Bovenstroh un maakt Musik. Mit hör neei Handörgel, de se ‘n Dag vördeem kregen harr, naih se hüm, dat de Lüü all Leder mitsungen, as wenn se de hele Week al öövt harr’n.

Dat rechte plattdüütsk Woord harr an disse Avend Andreas Gerdes ut Sandhörst bi Auerk. He snackt, leevt un denkt plattdüütsk. Sogaar drömen deit he up Platt, vertellde he. Sied ruugweg 20 Jahr höört he to de oostfreeske Schrieverslüü. Sien Lehrmester un Baas weer Johannes Diekhoff, de wied över de Grenzen Oostfreeslands bekannt weer. Van hüm leesde he en Deel ut een van Diekhoffs mojesde Vertellsels „De Pepernötentoggsloot“. Upwussen is Gerdes, Jahrgang 47, mit Plattdüütsk tüsken Proter- un Snackerkuntrei in Middels-Oosterloog, stuuv an d’ Kant van ’t Harlingerland.

An de pläserelk Avend in Horum verklaarde he de Lüü, dat dat bi hüm kien Unnerscheed tüsken Hüüs un Husen of tüsken Bomen un Bööm gifft. He kennt Wichter nettso as Deerns un Foons. He vertellde van sien Lees-Touren tüsken Bremen, Cuxhaven, Leer un Horum, wor sien Oostfreesk elk un een versteiht. Plattdüütsk verstahn is bi hüm ok, mit de Minsken övereentokomen un klaartoworden. „Waar kann man sük nahder komen as mit uns Nedderdüütsk, meen he“, un de Lüd nickkoppden.

Ut sien twee Böker „Eerstens kummt dat annners“ un ut „un tweedens as man denkt“ leesde he wat vör und dat haagde de Lüü. Heel vööl ut sien anto 200 Vertellsels un Riemsels geev he to ’n Besten. To ’n Bispill kemen de Tohörers eerst an ’t Enn van sien Geschicht „Ruuuuuut!“ daarachter, dat he nich buten Döör sett worden weer, nee, de Mann bi de Gerdes in Huus weer, harr blot luudhals na sien Froo ropen. Un wo heetde de? Genau – Ruth!

Tosamen weren dat all kört Belevens van güstern of vandaag. Vertellsels, wo se Dag för Dag geböhren könen. En Stück of wat to Nasinnen, man ok mennigeen to Smüüstern. Plattdüütsk, see Gerdes, dat is nich blot Vergnögen, dat is Heimat un Kultur, de pläägt worden sall un driest an uns Nawass wiedergeven worden moot.

He hett an disse Avend dat Platt so rechtschapen upläven laten. Blot spietelk, dat de Tied vööls to kört weer.

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.