• Jobs
  • Immo
  • Auto
  • Kleinanzeigen
  • Trauer
  • Hochzeit
  • Guide
  • Shop
  • Tickets
  • nordbuzz
  • Fußball
  • Werben
  • Kontakt
 
NWZonline.de Region Friesland Kultur

Winter is Grönkohltied

14.02.2019

Man word so old as ’n Kooh un lehrd staadig wat dorto. Dat is ’n oll wiesen Snack. Ick glöv, ganz veel öller Frolü, de över Johrteihnden Dag för Dag good Huusmannsköst up ’n Disch kregen hebbt, sünd nich so as vandaag doröver informeert wen, wat dorbi an wichtig Nährstoffen in ’t Liev van de Famili käm. Man wär vör füftig un mehr Johrn eenfach nich so informeert.

Dat heet, in een oll Kookbook ut de Anfangstieden van ’t letzt Johrhunnert hebb ’k ’n Tabell funnen, wor man lesen kunn, wuveel Kalorien, Eiwitt, Fett, Kohlenhydraaten, Vitaminen usw. Mannslü un Frolü to sick nehmen schulln. Of man dat all dormaals wohrnaahmen un ok dornaa kokt hätt, dor twiefel ick doch dran. Tominns hebb ’k dat fröher nich van de öllern Frolü hört oder mitkregen. Man wuss säker noch nich, wat de Grönkohl so weertvull maakt, wiel man de as dat „Arm-Lü-Eten“ betekent hätt.

Vör ’n poor Johrn hebb ’k in een Extra-Bilaag van een Daagbladd lesen un mi noteert, dat Grönkohl een temek weertvull Gemüüs is mit veel Vitaminen, Sporenelementen un Mineraalstoffen. Alleen Vitamin C schall in so een grood Maat dor insitten, dat een Portion Kohl so veel Vitamin C hätt, de för ’n Dag utrieken deit.

Grönkohl schall sogor Entzündungen un sogor ’n bäten dat Krebsrisiko hemmen. Ick denk maal, dör ’t Forschen in Saaken Gesund-heid, Ernähren un dat all ümto is man in sömzig, füftig un ok weniger Johrn ’n ganz Ennen wiederkaamen. Dat kann also nich schlecht wen, wenn ’n sick in Saaken Ernähren schlauer maakt un dat mögelsk ok anwennen deit!

Bi mien Naaforschen sünd mi vansülvst verscheden Rezepten un Bigaaven uptellt worden. To ’n Bispeel, dat de Kohl mit Solt, Muskaat, Peper, Fleeschbrööh un ’n Sooß mit Mehl un Botter kokt word. Ut een Westfaalen-Aart worden dat Hartbladd un anner zoort Blö wuschen, teihn Minüten afkokt, mit Goosfett oder halv Botter un Schwienfett, bäten Zucker un Kastanies dorto kokt. Üm dat Natte in ’n Kohl `n bäten sämig to maaken, hätt ’n Haavergört un oder Katuffelpüree ünnerröhrt.

Een Rezept van 1915 schloog vör, de Sprossen van dat Gemüüs Kohl in Bündsel mit Rookfleesch, Frikadelln, Leber un ü.a. ok mit Tweeback un Muskaat to goren. Hier un dor kennt ’n Grönkohl mit Goosbraaden oder Schwiensripp. Wiel wi sülvst een groden Kohlacker harn, kneep Moder naa ’n Fröst de zoort Blö ut de Kroon rut, schneed de nich af, so dat bi good Weer immer noch Kohl naawussen is.

Dat wär in ’n de laat Wintertied immer noch een ganz zoort Gemüüs, wat wi good för Salaaten harn nehmen kunnt. Moder nööm dissen Kohl de „Jungfernkohl“. Aaber uns Weten üm de Vitaminen wär eben noch nich so wied.

Vandaag find ’n Kassler, nich so fetten Buukspeck un veel Kohlpinkel, de bekannt rökert Görtwurst in ’n Kohl. Dorto let ’n de Haavergört mitkaaken, üm ’t moi sämig to hemmen. Mit Solt un veel Musterd un ’n Spier Zucker word de Kohl afschmeckt un mit lecker Solt- oder Braadkatuffeln vertimmert.

Aaber ok Vegetarier kokt sick vandaag üm dat Weten van een gesund Eten een Pott Grönkohl mit ’n Togaav van een Wuddel, ’n halv Stang Poree, Gemüüsbrööh un villicht ’n rökert Tofuwurst un Katuffeln een deftig Eten. Een 78johrig Frominsch hätt mi vertellt, dat se bi d’ Groodollen upwussen is un kien Grönkohl kokt word, wiel dat ja eher Futter för Derten wär, un so muss Opa in ’n Tuun Grönkohl bloß för de Zeeg anplanten.

As dat Eten för arm Lü so as fröher kann man ’t säker nich mehr beteken, dat wiest all de intüschen hopenwies in Mood kaamend Kohlpartien.

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.