• Jobs
  • Immo
  • Auto
  • Kleinanzeigen
  • Trauer
  • Hochzeit
  • Guide
  • Shop
  • Tickets
  • nordbuzz
  • Fußball
  • Werben
  • Kontakt
 
NWZonline.de Gartenzeit

Gaarn Op Platt: Andrea Lohmann: Ut dat Hobby is de Beruf wurrn

13.04.2018

Andrea Osterhus – so ehr Naam as junge Deern – harr in ehr Kinnertiet dor nie nich van dröömt, as Friseurin oder ok as Krankenschwester to arbeiden. „Siet de Tiet, do ik lopen kunn, weer ik buten un heff an’n leevsten in’e Schiet wöhlt“, vertellt Andrea.

Se is in Nikolausdorf in de Gemeende Garrel upwussen. Ehr Öllern harrn hier een lütt Buuree as dat tweete Standbeen. „Na den Vörmiddag in’e School heff ik foors mien Schooltasch in’e Eck smäten“, so weet Andrea to vertellen. Se kunn dat rein gor nich afluurn, ehr Mudder in’n Gaarn to helpen oder ok up den groten Buurnhoff in’e Naberschupp, kunn se hier doch mit Päär und Keuh hanteern. As se de Realschool achter sik harr, gung se wieter na de School un maak twee „Berufsgrundbildungsjahre“. Se is bannig froh na de School kamen, un so fung al mit 15 Johr ehr Lehrtiet an. Bi „Klattenberg Kulturen“ in Kartzfehn lehr se up Goorner, un ehr Rebett weer de „Zierpflanzenbau“. Disse Tiet as Lehrdeern, dat weer för ehr een Tiet mit veel Pläseer, ok wenn se faken söss Weeken lang van’n Morgen an bit na’n Abend hen nix anners as Heideplanten in de Pött bringen moss. För ehr weer dat klor: Goorner to wesen, dat is för ehr best! Se wull up ehr Rebett noch rejell wat tolehrn, un so gung se na de Lehrtiet na de Boomschool Schwerter in Bösel. Hier harr se dat ok mit den Versand to doon. Man wull se so recht tofräden wesen, moss dor de Kontakt mit de Kunnen wesen. So gung se 2005 na dat „Pflanzencenter Warnken“ in Wardenburg. Al een paar Johr later harr se hier dat Leit van’n Verkoop. So hett se nu Dag för Dag besten Kontakt mit de Kunnen.

Un dor kummt to’n Bispill ok noch to, dat in ehr Hannen dat Inkopen van Planten un Deko liggt un van allns, wat to’n „Pflanzencenter“ tohöört. In elkeen Johr kann se bi de „Landpartie“ - een Utstellung, van dat „Pflanzencenter Warnken“ sülfst up’n Weg brocht – wiesen, dat se best organiseern kann. Jümmer in dat drütte Weekenend in’n April kaamt dor bi de „Landpartie“ 130 Utstellers tohoop, un 10 000 Besökers kiekt sik dat allns an, wat mit Huus un Goorn to doon hett. Se mutt denn ok woll maal gau wat in ehr Hannen nehmen un to’n Bispill – so as in dit Johr - „Shuttle-Busse“ up’n Weg bringen. De Regen harr dat henkrägen, dat up den Parkplatz kieneen Auto mehr föhren kunn. Andrea Lohmann is mit sik un de Welt tofräden, is doch ehr Hobby ok ehr Beruf. Een Droom, de wiss un wohr nich för all Lüüd, de arbeiden mööt, gellt. Een Begeven, un dat ok as’n Droom, ward se woll nie nich in ehr Leevdag vergeten. Silvester 2013 weer se mit Andreas – to de Tiet ehr Partner – mit de „AIDA“ unnerwegens. Dat weer just Middernacht – un bi dat Füürwark fraag de Mann, de nu ehr Ehekeerl is, of se woll tohoop döör’t Leven lopen wullen; un Andrea – dat gung bi ehr woll nich anners – keek bi disse Fraag up dat Eiland Madeira, dat doch vull van Blomen is.

Dat junge Paar hett nu in Nikolausdorf een egen Tohuus. De Gaarn ward – dat versteiht sik – van Andrea na ehr Ideen up Schick brocht; een Oase, wor man so recht mit sik sülfst tofräden is.

Beten wat över...
Dat Öller: 33

Ik wahn in: Nikolausdorf

Familjenstand:Befreet mit Andreas Lohmann

Ik mag geern: Wenn allens so klappt, as ik mi dat vörstellt heff

Opregen do ik mi över:
Över allens wat nich klappt hett

An’n leevsten to äten: Spargel

Dat kummt mi nich op’n Disch:
Hackgrütt

Dar fahr ik geern mal hen:
Lannpartien un Gaarnutstellen

Mien Hobby: De Schützenvereen un de
Börgervereen in Nikolausdorf

An’n leevsten mag ik höörn: Düütsche Slager

Dat Book gefallt mi besunners goot: Ik lees jedeen Morgen mien Daagblatt, dat langt mi.

Mien grötste Wunsch: Gesundheeit

Dat is mien Snack:
„Geht nicht – gibt es nicht “.

Ton verstahn:

Plattdeutsch                  Hochdeutsch

Naberschupp                  Nachbarschaft

Pläseer                            Vergnügen

elkeen                              jedes

Utstellers                     Aussteller

Begeven                          Erlebnis

Eiland                       Insel

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.