• Jobs
  • Immo
  • Auto
  • Kleinanzeigen
  • Trauer
  • Hochzeit
  • Guide
  • Shop
  • Tickets
  • nordbuzz
  • FuPa
  • Werben
  • Kontakt
 
NWZonline.de Gartenzeit

Volker Hobbie: De drüdde Generation in’t Familjenunnernehmen

04.05.2018

von dirk wieting

Een Chef mutt allerwägens wäsen un dat up`e Stä. Dat is in sien Rhododendron-Park in Petersfeld bi Westerstä nich so eenfach. Disse Park is mit 70 ha de grötste Rhododendron-Park! Darwägen sütt`n Volker Hobbie so faken mit`n Elektro-Fahrtüüg, „Cart“ nöhmt, as se ok van Golf-Spälers bruukt werd. Geern sitt he up een van de Bänke, kiekt in`e Runn, un denkt dar över na, wo`t allns vör 90 Jahr anfungen hett. Sien Grootvadder Diedrich Gerhard Hobbie weer Buur mit eegen Hoff. In`n eersten Weltkrieg keem he in Lävensgefahr dör Verwundung un leeg bi Lü, de nich mehr lang to läven harrn.

Dar kreeg he dat Book „Vom Blütengarten der Zukunft“ in`e Hannen. De moien Planten harrn em so anröögt, dat he swöörn dee: Wenn ik hier lebennig rutkaam , denn weer ik Gaarner! He hett överläävt. Tägen den Willen van sien Öllern hett he dotiet den Grundsteen leggt för den Park vandagen. För dat Upbon un de unmunnig välen Tuchterfolge bi Rhododendron wurr he mit dat Bundesverdienstkreuz uttekend.

Volker Hobbie höört nu to de drüdde Generation. För den lüttjen Volker weer de Park al jümmers een Paradies. Buten in`e Natur kunn he mit sien Frünnen wunnerbar spälen. „Wiß doch hebbt wi ok is Besöker argert“, grient Volker. In`n Park weer ok een Diek mit Fisch. Hier hett Volker ok Spaaß för de Angelee funnen, faken an` e Siet van sien Grootvadder. Van den sien Wäten profiteert Volker vandagen noch.

Dat Volker is wat anners weern wull as Gaarner , dar geev`t kien Diskussion över. Na den Schoolafsluß hett he sien Utbildung in`e Boomschool Wieting in Gießelhorst maakt. Darna keem de Bundeswehrtiet. „Disse Tiet hett groden Influß up mi hadd. Jüst bi de Grundutbildung heff ik markt, wat Disziplin un gode Kameradschaft bedüden doot. So`n Grundutbildung kunn jung Lü vandagen goot doon“.

Na de Bundeswehrtiet kemen „Wannerjahrn“, wor Volker Hobbie praktisch Erfahrn in verscheeden Bedrieve sammeln kunn. Mit 27 Jahr gung he trügg in den Familjenbedriev un hett Verantwortung övernahmen. Bi Rhododendron-Park un de Boomschool för Rhododendron un Azaleen hett he vör söss Jahr mit een Gastronomie den Bedriev wieter utboot.

Stütt un Stöön kriggt he he dör sien Fro Birgit, de dat Leit hett över Gastronomie, Werbung un Dekorartikel för den Verkoop, un ok för de Büro-Arbeit. „Ik bün tostännig för`t Handwark“, smustert Volker Hobbie. Aflenken lett sik Volker Hobbie bi sien Kinner Florian (10) un Hanna (7) un wenn he mit Jagdfrünnen up Tuur geiht. Urlaub mutt ok wäsen, ok för Familje Hobbie. Denn geiht`t in frömde Lannen, Land un Lü kennentolehrn. Heel begeistert is Volker noch van den Besöök in China, in`t „Reich der Mitte“.

Beten wat över Volker Hobbie

Dat Öller: 51

Ik wahn in: Linswege

Familjenstand: Befreet mit Fro Birgit

Ik mag geern: Freden in de Welt un jümmers een gooot Mit‘nanner

Opregen do ik mi över: Politik

An’n leevsten to äten: Fleesch

Dat kummt mi nich
op’n Disch: Tofu

Dar fahr ik geern mal hen: Geern mal mit de Transsibirische Iesenbohn föhrn

Mien Hobby: Jagd un Angeln

An’n leevsten mag ik höörn: Pink Floyd is
jümmers goot

Dat Book gefallt mi besunners goot:
Mien Dagblatt, dat langt mi

Mien grötste Wunsch: Roh un Freden

Dat is mien Snack:
„Lieber eine falsche Entscheidung –
als gar keine Entscheidung“

Ton Verstahn:

Plattdeutsch                  Hochdeutsch

Stä                           Stelle

Hannen                           Hände

Moien            schön/Schönheit

anröögt                     berührt

tägen                            gegen

uttekend                 ausgezeichnet (worden)

Weitere Nachrichten:

Pink Floyd

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.