• Jobs
  • Immo
  • Auto
  • Kleinanzeigen
  • Trauer
  • Hochzeit
  • Guide
  • Shop
  • Tickets
  • nordbuzz
  • Fußball
  • Werben
  • Kontakt
 
NWZonline.de Nachrichten Politik Interviews

Freedags för de Tokunft ünnerwegens

13.07.2019
Frage: Ji gaht för dat Bewahren van us Klima up de Straat. Wo geiht Jo dat egens üm?
Malin: „Wir sind hier, wir sind laut, weil ihr uns die Zukunft klaut“ hebbt wi bi us verleden Demonstration ropen un dat is ok dat, wat wi wullt: Wi wullt nich, dat use Eer dör dat wat malöört, wenn de Eer sik upwarmt toschanden gaht. Wi hebbt nu al jümmers mehr Naturkatastrophen.
Joshua: Wi wullt de Politik dor up henwiesen, wat de Wetenskupp al siet Jahren fordert. In’n Augustmaand 1986 weer up’n Titel van „Der Spiegel“ to läsen „Die Klimakatastrophe“. Wi meent, de Tiet is nich brukt wurrn un nümms hett an de Wetenskupp tolustert.
Frage: Glöövt Ji, dat Ji mit de Streik wat lospedden köönt?
Malin: Ja, in jümmers mehr Länders gaht mehr Minschen up de Straten. Un so kaamt de Lüe ok dorbi, sik mit dat Rebett van Klimaschutz ut’nannertosetten.
Joshua: Ja, dat Henkieken, dat Snacken över de Klimawandel. Wi wünscht us, dat de Politik sik wat flinkeder rögen deit. Dat gifft woll en Klimakabinett, wat Vörslägen maken schull, wo Düütschland dat bit 2030 henkriegen schull. Man dat ward sülvst ünner Politkers as „netten Warkkring“ benöömt. Wi brukt Klimagesetzen un kien Afsichtsverklaren.
Frage: An de eerst „Fridays-for-Future“-Demo hebbt in Gannerseer so an de 80 Schölers deelnahmen. Bi de tweden Demon weern dat blots noch twee Lüe. Wat is passeert?
Malin: Ik glööv, vele Schölers hebbt överhaupt nich wusst, dat dat en twede Demonstration geven schull. Oder de hebbt dat to laat mitkregen, so dat se nich mehr mitmaakt hebbt.
Joshua: Dat gifft en indragen Ortskoppel „Fridays for Future Ganderkesee“ eerst siet’n paar Weeken. Wi staht noch in de Startlökers un dat Teel, so kört achteran en Demo up de Been to kriegen, weer woll to hoch grepen. Man mööt ok in’n Kopp beholen, dat wi lütten Ortskoppels nicht up Strukturen de dat al in de grode Stadt, mit veel Schölers un de Uni gifft, trügggriepen köönt. Wi mööt dat allns sülvst upboen.
Frage: Wat seggt Jo Öllern un Schoolmesters to de Schoolstreiks?
Malin: Miene Schoolmesters as ok miene Öllern gifft Stütt an de Streiks. Us Schoolmesters hebbt to’n Bispill seggt, dat is recht, sik för so wat intosetten un se find’t dat goot, dat wi doran deelnehmen. Mien Öllern hebbt mi, ok wenn ik so Stunden in de School verpassen do, furs de Verlööf geven, bi Fridays-for-Future mittomaken. Sin find’t dat up Stäe, nich blots annern to vertroen, man ok sülvst wat to maken.
Joshua: Us Öllern un Schoolmesters meent, dat dat Thema heel van Bedüden is. De Schoolmesters staht egens ok dor achter, se finnen dat goot, dat wi wat maken. So kaamt dat, dat de begründet Andrägen up Freestelln van’n Ünnerricht stattgeven wurrn is. Wenn du so en Andrag nicht hest, kriegst dor en Fehldag anschreven.
Frage: Wat meent Ji, ward Fridays for Future van de Politikers ernst nahmen?
Malin: Ik meen, de meisten Politikers nehmt Fridays for Future ernst. En paar gifft dor mehr Stütt an, anner weer nich so veel. Man dat se sik överhaupt dormit ut’nannersetten, dat is van Bedüden
Joshua: Dat ward ernst nahmen, wieldat se dat ok ernst nehmen mööt. Anners ward disse Wählergeneration de Politikers afstrafen, darför, dat se nich up us acht geven hebbt. Man de Lobbyisten sind heel stark un dat wat de Konzernen wullt, is woll för de Politikers mehr van Bedüden as use Tokunft.
Frage: Ji beid sind Umweltminister. Wat würd Ji maken?
Malin: Ik meen, dat weer goot, wenn man för CO2 betahlen mööt. Saken, de veel CO2 bruken, würrn so düerder weern un so woll nich so veel verköfft weern. Liekers find ik, dat dat Verbot van Plastik för Einwegartikel en goden Padd weer un dor schull man ansetten.
Joshua: Ik würr dor up tolustern, wat de Wetenschapp seggt un dat würr ik mit Beraders un Facklüe so goot un flink ümsetten, as’t geiht. Klar, fallt dor ok Arbeitsplatzen bi weg. Disse Lüe dröfft wi nich allen laten. Över Umschulungen, to’n Bispill wo mit erneuerbaren Enerigen warkt warrt, mööt disse Minschen neie Arbeitsplatzen anbaden weern.
Frage: Wo geiht dat nu wieter?
malin: Ik denk, wi Schölers schullt up jeden Fall sülvst noch mal versöken en Demonstration up de Been to stellen. So köönt wi wiesen dat Klimaschutz van Bedüden is.
Joshua: Wi mööt ok daröver nadenken, of en Ortskoppel Gannerseer Sinn maken deit, oder en Tosamenwarken mit en anner grötteren Koppel beter is.
Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.