• Jobs
  • Immo
  • Auto
  • Kleinanzeigen
  • Deals
  • Trauer
  • Hochzeit
  • Guide
  • Shop
  • Tickets
  • Veranstaltungskalender
  • Fußball
  • Werben
  • Kontakt
  • Über uns
 
NWZonline.de Nachrichten Politik Interviews

Twee vun dree meent, för Plattdüütsch mutt mehr doon worn

12.01.2017

Frage: Dat Institut för Nedderdüütsch Spraak in Bremen in´t Schnoor is de eenzigst Stäe in Düütschland, de sick för plattdüütsch insetten deiht. Nu willt de Bunneslänner her Knipp dichthollen. Hermann, wat seggst du dorto?

Wilken: Dat INS in de Hansestadt warkt för Scholen, Kinnergarns, Schrieverslüe, Pastors und Theaterspöler. Butendem föhrt dat Institut de Geschäften van de Bundesraat för Nedderdüütsch. Dat is keen lütten Opgav. Ick weet nich, well anners dat Wark rieten kunn.

Frage: Dat INS is de eenzigst Spraakrohr för Neederdüütsk in Politik un Gesellskupp, besünners bi dat ümsetten van de Europäisch Charta för Regional- un Minderheitenspraken. De hett de Bundesrepublik all 1999 ünnerschreeven. Ward denn jümmers noch platt snackt?

Wilken: Een Ümfrag int verleden Sömmer hett ant Dag brocht, dat twee vun dree Minschen in Noorddüütschland meent, för dat Plattdüütsche mutt mehr doon worn.

De Plattsnackers hebbt de Plicht, sick mit vulle Krach intosetten. Man ok de Verene, de Scholen un de Staat mutt mehr doon.

Frage: Wat kann elkeen dorto bidragen, dat us Jeverländer Platt nich eenes goden Dags unstarven deiht?

Wilken: Plattsnacken! Wenn een Schlachterladen in us Kreisstadt sien Kunnen mit een „Welcome“ up de Footmatt begröten deiht, is dat jüst keen Bidrag för mehr platt. Een „Moin“ weer dor woll beter. Abers Spaas bit Siet: Platt is cool – as de jung Lüe seggt. Dat hört to us an de Küst. Ick seggt jümmers: Tro di wat, snack platt!

Frage: Un wat ward ut dat Institut in´t Schnoor, mutt dat an´t Een vant Joahr sluten?

Wilken: Ick will´t nich hopen. Upstünns löppt een online Petiton, de all över 4100 Minsken teken hebbt. Dor kann elkeen sien Meenung ütern. Un als Plattdütsch-Obmann int Kreis Freesland roopt ick dorto up, dat ok to ünnerschrieven of „voten“ - so het dat hütigendags. De Akschon löppt noch bit ton 21. Januarmond.

Frage: Hermann, wees van Harten bedankt!

Hermann Wilken ist Plattdeutsch-Beauftragter des Landkreises Friesland. Im Interview spricht er über die Bedeutung des Institut für niederdeutsche Sprache, das zentrale Aufgaben für Erhalt und Förderung des Niederdeutschen erfüllt. Das Land Niedersachsen will den Zuschuss nur noch 2017 zahlen.

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.