• Jobs
  • Immo
  • Auto
  • Kleinanzeigen
  • Trauer
  • Hochzeit
  • Guide
  • Shop
  • Tickets
  • nordbuzz
  • Fußball
  • Werben
  • Kontakt
 
NWZonline.de Nachrichten Politik Interviews

Plattart mööt in Koppen und Harten

21.12.2018
Frage: Wat is dit Johr dat Besunnere an dat Plattart-Festival?
Annie: Us Motto dit Johr „Wi sünd so free!“ is een Hartensmotto. Disse Böskup hett sik egens al dör all us Festivals in de verleden Johren trucken. 2019 un 30 Johr Müürfall hebbt wi nu as Anstööt nohmen, nett diss Böskup noch eenmol na vörn to stellen.
Stefan: Dat, wat de Sellskup jüst drock bruken deit, is Tosamenhollen. PLATTart 2019 maakt düdelk, dat Spraak in de Laag is, över Grenzen henweg to kamen un so een Verbinnen twüschen Minschen uptoboen.
Frage: Op wat freut Se sik an’n meisten bi dit Festival?
Annie: Bold de heele Plattszene kaamt an 10 Dagen tosamen, um sik uttotuschen, to nettwarken, singen, diskuteren un to fieren. Ik frei mi leep düchtig up all de Mitstrieder*schkes un plattdüütschen Aktivist*innen.
Stefan: Mit 40 Veranstalten ward Plattart de heele Innovation un Utdruckskraftn van de plattdüütsch Spraak wiesen. Ik frei mi up dat lebennig Nettwark un neie spannende Kulturformate.
Frage: Wat för Programmpunkte schull’n sik de jungen Plattsnackers ankieken un wat leggt se de „Native Speakers“ an’t Hart.
Annie: De jungsten Plattsnackers würr ik dat Finale in’t Staatstheater an’t Hart leggen, daar word bito de oostfreesk Buukproter Uwe Maas uptreden. För de Laatkonvertierten, also de Minschen, de hör Vermaak för Plattdüütsch eerst laat funnen hebbt, kann ik nich blots to de VHS-Schnupperkurs, man ok to dat Punk- un Metal-Dübbelkunzert mit „De Schkandolmokers“ un „De Winnewupps“ in Eerwecht raden.
Stefan: För de Native Snackers is Werner Momsen siene Soloshow up Platt in de Kulturetage seker Plichtprogramm. Us Minitour „De letzte Smökerin“ mit Petra Bohlen is sachts ok för Plattinstiegers een Geneten. Hier kriegt jedeen dör dat Thema un de Hanneln een Togang to de Spraak.
Frage: Dat Plattart-Festival ward wunnerbor annohmen. Koorten gifft dat all to köpen. För welkeen Veranstaltung schull man bannig gau ween, um noch Korten to kriegen.
Annie: Richtig flink mutt man för de Eröffnungsgala in’t Staatstheater wesen un de Science Slam in’t Unikum. De weer bi’t verleden Maal mehr as good besöcht, also öververköfft.
Stefan: Jo, vör all de Veranstalten in’t Staatstheater, also Gala un NDR-PLATTsoirée, sünd jümmers toeerst utverköfft, dor mööt man flink ween.
Frage: Dat Programm vun dat Plattart-Festival hett 46 Sieten. Wo veel Stunnen hebbt Ji an dit grode Projekt arbeit?
Annie: Harrijasses nee, laat us dat nich hoogreken. Seggt wi maal so, daar fallt us elke Maal een gewaltigen Steen van’t Hart, wenn all dat, wat daar in’t Heft binnen steiht, ok so geböhrt. Daar sitten twee Johr Denken, Schrieven, Organiseren, Sörgen, Reken un Freien in elk Festival. Van Bedüden is, dat man dat Festival finanziell up Foten stellen kannst, de us Inhalten ok dragen köönt.
Stefan: Egens fangt man gor nich eerst an Stünnen to tellen. So een Projekt is blots mitnanner, vör all mit us Plattart-Biraat hentokriegen. Dat gode Tosamenwarken mit Annie as könstlerisch Baas wiest sik denn ok in de Erfolg van dat Festival. Ahn de dichte Kooperation is so een groot Festival nich to maken.
Frage: Wat wünscht Se sik för de Tokunft vun dit Festival?
Annie: Ik wünsch mi, dat düt Festival sik so in de Koppen un Harten van de Minschen fastsetten deit, dat wi noch heel lang düt wunnerbaar Spektakel planen un geneten köönt. Uplest is dat Besinnen up disse us Heimaatspraak, ok in’t Stadt, leep wichtig. Denn Lokalkolorit hollt us tosamen un schafft Identität, wat in Tieden, de sik chaotisch anföhlen doot un een dynamisch Verstahn van Heimaat nich blots van Bedüden, liekers noodwennig is.
Stefan: Klaar mehr Moot un Bekennen to de plattdüütsch Spraak. Man vör all, dat de Minschen erkennen doot, weck Bedüden Plattdüütsch besünners vandagen för us hebben kann. Spraak verbinnt nich blots de Minschen, de Regionalspraak is wichtig för us regional Identität. För all in een globaliseert Welt is dat van Bedüden. Un för dit Mitnanner schall ok dat Plattart-Festival stahn.
Lore Timme-Hänsel Redakteurin / Kulturredaktion
Rufen Sie mich an:
0441 9988 2065
Gaby Schneider-Schelling stv. Chefredakteurin / Chefredaktion
Rufen Sie mich an:
0441 9988 2006
Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.