• Jobs
  • Immo
  • Auto
  • Kleinanzeigen
  • Deals
  • Trauer
  • Hochzeit
  • Guide
  • Shop
  • Tickets
  • Veranstaltungskalender
  • Fußball
  • Werben
  • Kontakt
  • Über uns
 
NWZonline.de Nachrichten Kultur

Fortsetzungsroman: „Düsterwater“ Teil 11

22.03.2017

Oldenburg „He is vandaag man en beten tegen de Spoor, Herr Kommissar. Is ja ok keen Wunner, na so en Beleevnis, nich wahr?“

„Ja, dat kann good wesen. Dat beleevt man nich alle Dage, man as Beerdigungsunnernehmer mussen Se doch mit sowat umgahn könen. Of steckt dor annerswat achter?“ Kommissar Glöckner keek Hannes scharp an. Egentlich was dat blot en Schöt in’t Blaue, man Hannes Kuhlmann verschoot de Klör, he kunn hum upmaal nich mehr in de Ogen kieken. Bi Glöckner rögde sük en lüttje Alarmklocke. He haakde na:

„Willen Se mi nich de Wahrheit seggen, Herr Kuhlmann? Wenn Se dormit wat to doon hebben, is dat beter, Se seggen dat nu futt.“

Kuhlmann sprung mit rode Kopp up un reep vergrellt:

„Nu word mi dat aver to bunt hier! Se sünd woll van de Padd of! De Keerl hett maal bi mi arbeidt, mehr weet ik nich van hum, un dormit basta.“ He greep na sien Jacke un stappde to de Dör ut up sien Auto an.

„Wor will he nu denn al weer hen?“, reep Mariechen heel verbaast.

„Laten Se man, Froo Kuhlmann, so reageren de Lü faken, wenn wi hör befragen. De bedaard sük al weer. Wenn noch Fragen upduken, mellen wi uns nochmaal bi Jo.“

„Ja. Deit mi leed, Herr Kommissar, so is he anners nie nich, dat hett hum doch woll mehr mitnohmen, as man denkt.“

De Düker was al klaar, as Glöckner na en körte Footmarsch bi de Schlüüs ankeem. Vör hum lagg en dicke Flintsteen, de mit en End Tau umwickelt was.

„Dat lett ja good“, meende Glöckner, „sücht ut, as kämen wi nu wieder.“

„Ja, meen ik ok. De lagg genau dor, wor de Schipper mi wiest hett.“ He wees mit Duum over de Schuller.

Nu erst wurr Glöckner wies, dat Schipper Süvers van de Schlüüs rover keem. De wenkde hum to un reep frünnelk:

„Moin, Herr Kommissar! Vandaag hebben Se Slump, ik hebb dat uptekend, van de Stee, wor mi dat Tau up’t Schipp knallt is. So hebben wi dat ok glieks funnen.“

Kommissar Glöckner muss smüstern over dat „wi“, man egentlik harr Süvers Recht. Nu harren se villicht de Bewies, dat en Moord stattfunnen harr. Nu mussen se blot noch ruutkriegen, of dat würrelk de Student was un well hum dat andaan harr.

Sien Telefon düdelde, de Chef wull weten, of sük wat Neeis ergeven harr. Glöckner gaff Utkummst un kreeg Örder:

„Fragen Se bi de Kollegen in Barßel maal na de Vermisstenfall Andreas Wolken. Kann ja wesen, dat dorbi noch wat Neeis ruut kummt. Villicht sünd de beiden ja ok mitnanner bekannt west. Wolken hett hum doothauen un is dornaa unnerduukt.“

„Ja, Chef, man ik wull egentlich ...“

„De Fall hett Vörrang, nu maken Se man. Mörgen fröh will ik de Bericht sehn.“ He leggde up.

„Verdammt!“ Glöckner flöökde. Nu kunn he weer Overstünnen maken. Dorbi harr he sien Froo versproken, vandaag pünktlich to wesen. Se harren vandaag Hochtiedsdag un wullen mitnanner Eten gahn. Oha, wat sull sien Menske sük woll upregen, wenn he hör dat vertellde.

„Hett he di de Fieravend vermasselt?“ froog de Düker.

„Ja, dat kann man woll seggen. Vandaag is uns Hochtiedsdag. Mien Menske freit sük al de hele Week dor up.“

De Düker keek up sien waterfaste Uhr.

„Wenn ik mi recht besinn, hebben de Barßeler Kollegen al bold Fieravend. Roop doch eenfach an, denn könen de jo de Unnerlagen doch tofaxen. Wullt du dorför dien Hochtiedsdag susen laten?“

„Dat is de beste Vörschlag van de hele Week“, meende Glöckner tostimmend, „harr ik egentlich ok süllst up komen kunnt.“

He reep bi dat Revier an un froog na de Unnerlagen. De laggen in’t Archiv un mussen erst ruutsöcht worren, kreeg he to weten. Dat kunn aver en Settje düren, of dat nich Tied bit mörgen harr, se harren hier en bült to doon vandaag. Kommissar Glöckner griende.

„Nee, dat langt, wenn ji mi de bit mörgen faxen könt, denn hebben wi de futt in Cloppenbörg.“

Dat versproken se hum, un he schaltde of. Nu kunn he noch to rechte Tied na Huus fahren un sien Menske blied maken.

-----

De Avendsünn smeet schrade Strahlen up dat düstere Water van de Kanaal. Heinrich Süvers keierde mit sien Leevste de Karkenallee andaal, de an de Bollinger Kanaal langföhrde. Moi fredelk was dat um disse Tied.

De Verkehr fuhr up de günsietige Hauptstraat, hier an dit Sied was dat moi still. Se bekeken de Aanten, de in de Gubbel stökerden, un höögten sük over en paar Manntjes, de all mitnanner achter een van de Wievkes to satten. As se an de Karkhoff vörbi kemen, see Frauke upmaal:

„Laat uns even over de Karkhoff gahn.“

„Worum wullt du over de Karkhoff?“, froog Süvers verbaast, „dor hebben wi doch nix verloren.“

„Ik will maal wat nakieken.“

„Wat wullt du dor denn nakieken?“

„Well vör fiev Jahr beerdigt worren is. Ik hebb vandaag bi de Koopmann hört, dor sall domaals Een verswunnen wesen bi en Beerdigung.“

„Weest du denn, an wecke Dag dat weer?“

„Nich heel genau, man dat kann man ja ruutkriegen, meenst nich?“

„Wullt du nu de Polizei bi de Arbeid helpen?“, smüsterde Heinrich Süvers, „of büst du blot neeischierig?“

Lesen Sie auch:
Oldenburg

Fortsetzungsroman
„Düsterwater“ Teil 9

Se leesde genauer un overleggde. Vör fiev Jahr um disse Tied wassen se un hör Ollern na Ollenbörg umtrucken. De ...

Oldenburg

Fortsetzungsroman
„Düsterwater“ Teil 5

De Polizistin mook de Dör open un settde sük in de Wagen. Se greep na en lüttje Book un en Kugelschriever, dreihde ...

Oldenburg

Fortsetzungsroman
„Düsterwater“ Teil 7

„Good, dat weer denn erst maal alls. Wenn wi noch Fragen hebben, mellen wi uns bi Jo. Jo Adresse hett mien Kolleeg ...

Oldenburg

Fortsetzungsroman
„Düsterwater“ Teil 2

Dor keem denn noch so’n beten wat bi, womit se sik intressant maken kunnen. „Well weet, wat dor los weer. Stille ...

Oldenburg

Fortsetzungsroman
„Düsterwater“ Teil 10

„Och, kumm, Rita, nu wees man nich düll, dat weet doch elkeen, dat du wat mit en Keerl harrst. Wi sünd blot nich ...

Oldenburg

Fortsetzungsroman
„Düsterwater“ Teil 8

Frauke Süvers keem mit verkwullene Ogen in de Kajüte, wor hör Keerl over en Stück Papier an’t bröden was. He truck ...

Oldenburg

Fortsetzungsroman
„Düsterwater“ Teil 6

Johannes Kuhlmann aamde up. Mehr wull de nich van hum weten? „Dat kummt dor up an, wor de Wind herkummt. Kummt ...

Oldenburg

Fortsetzungsroman
„Düsterwater“ Teil 1

De Sargdragers leten de overmaten sware Ekensarg sinnig in dat Grafft glieden. Tofreden keek he to, wo de in dat ...

Oldenburg

Fortsetzungsroman
„Düsterwater“ Teil 4

De grote Yacht was intüsken bi de Iesenbahnbrügg ankomen, de kört vör de Schlüüs over de Kanaal föhrde. As de Mann ...

Oldenburg

Fortsetzungsroman
„Düsterwater“ Teil 3

Se wuss nich, wecke Tied för dat Dropen afmaakt weer, blot dat dat in Düstern wesen schull. Dorum tövde se. As ...

Oldenburg/Friesoythe

Krimi „düsterwater“ Auf Nwzonline
Was macht die Leiche im Elisabethfehnkanal?

Was macht die  Leiche im   Elisabethfehnkanal?
Oldenburg

Fortsetzungsroman
„Düsterwater“ Teil 14

„De Hölle is doch al heet“, griende Glöckner de Kolleeg an.„Ja, man he kann uns noch en beten mehr inheizen“, gaff ...

Oldenburg

Fortsetzungsroman
„Düsterwater“ Teil 15

„O Mann, Küster, ik bün doch keen Telefonvermittlung, ik geev di de Nummer, roop hör doch süllst an“, tiffkede ...

Oldenburg

Fortsetzungsroman
„Düsterwater“ Teil 13

„Nu upstee? Is doch noch keen Sperrstünn,“ keem dat atemlos van Rita.„Süchst du hier noch Annerseen?“, froog he ...

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.