• Jobs
  • Immo
  • Auto
  • Kleinanzeigen
  • Trauer
  • Hochzeit
  • Guide
  • Shop
  • Tickets
  • nordbuzz
  • Fußball
  • Werben
  • Kontakt
 
NWZonline.de Nachrichten Kultur

Fortsetzungsroman: „Düsterwater“ Teil 2

10.03.2017

Oldenburg Dor keem denn noch so’n beten wat bi, womit se sik intressant maken kunnen.

„Well weet, wat dor los weer. Stille Water sünd deep...“ Alwine spekuleerde. „De is mi to ruhig, disse Gerda. De hett ja von Anfang an nich to us passd. Dee mi nich wunnern, wenn Andreas wat mit’n anner Froonsminsch anfungen is un denn is he ofhaut. Is jo’n staatsch Mannsbild. Ik heff dat ja al jümmers seggt . . . .“

„Du nu wedder, Alwine, dat dreiht sik doch nich allns blot um dat een Thema.“

„Jo, aver du mosd mi Recht geven, de meiste Tied is dat de Grund, worüm en Kerl ofhaut. Wenn he en anner Froonsminsch hett...“

„Un wenn dat nu jüst anners rum is, wenn Gerda wat mit’nen annern Kerl hett un Andreas is dorum ofhaut? Ik meen, dat kunn doch ok angahn.“

„Tüünkraam, wo kummst du denn op sowat? Gerda doch nich, du spinnst doch!“ Emma schüddelde den Kopp.

„Segg dat nich, ik heff dor wat hört. Ik kann mi blot nich mehr dorup besinnen, well mi dat vertellt hett. Well weer dat blot?“ Alwine överleggde. „Naja, schall mi woll wedder infallen.“

„Weet nich, an Gerda is nu ja so gor nix dran, womit se Mannslü locken kann. Wenn ik en Kerl weer, dee ik de nich mal mit de Knieptang anfaten“, sä Anna.

„Och wat. Ik glöv ja ehrder, dat hangt mit dissen Striet tohop, de Hannes un Andreas al siet Johren mit’nanner hebbt. Well weet, villicht hebbt de de Striet up’n anner Aard löst un villicht hett Hannes ...“ Wieder keem Emma nich.

„Swiegt still. Ik laat nix op mien Hannes komen. Wenn ik ruutkrieg, dat du diene Hirngespinste överall rumvertellst, denn is aver wat los. Slimm noog, dat ji jo jümmers int Heim wichtig doon mööt un Märken vertellt. Överleg di good, wat du seggst!“ Mariechen keek hör scharp an un leet bit Ruutgahn de Dör mit en luten Knall achter sik tofalln.

Gerda Wolken kennde dat gor nicht, dat hör Andreas nich na Hus keem. He harr hör ok nich seggt, wo he anners noch hen wull. Se wuß bloots, dat he noch mol mit Hannes Kuhlmann snacken wull, wedder mal wegen dat Land. Dat weer ok de eerste Stee, wor se nafragte. Man dor weer he gor nich wesen. Tominnst harrn Mariechen und Hannes seggt, se harrn hüm nich sehn.

Anners mellde Andreas sik jümmers, wenn dat maal wat loter wurr. Dat Auto stunn in de Garaasch, dat Rad stunn an sien Stee, he harr nix mitnohmen, sien Geldbüdel, all Papeerkraam weer dor. Gerda harr överall rumfragt, nümms wuss wat, nümms harr hum sehn. Gediegen, de ganzen langen Johre siet se verheirad weern, har’t dat noch nich eenmal geven.

Nächsden Dag keem de Polizei un stellde Fragen. Se harrn bold överall nafragt un kregen meest dat Glieke to hörn.

„Also, wenn Se mien Meenen weten willt, dat weer de Naber, disse Kuhlmann. De Wolken un he harrn doch jümmers Striet mit ‘nanner.“, vertellde Willi Meyer, de Backer.

„Ganz mien Meenen, wat ik al seggt hebb“, sä Alwine.“ Man Ji wulln mi dat ja all nich glöven. Dor mutt ja erst wat passeern, ehrdat . . . .“

„Alwine, holl dien Rand, du büst gor nich fraagt worrn“, füll Willi hör in’t Woord.“Dat muss jo mal sowiet komen. Verstahn hett dat nümms van us, worüm beide so verseten up dat Stück Land weern. Tolesd hett ok woll de een den annern dat nich günnt, well weet.“

„Dat sünd bloot Vermoden. Un bloot wiel sik twee Lü striedt, bringt se sik nich glieks üm. Hebbt Se denn nu wat sehn oder is Se wat verdächtig vörkomen?“ froog de Beamte.

„Nee, dat jüst nich, aver dat liggt doch up de Hand.“ Willi Meyer, de Backer, leet sik nich dorvan ofbrengen. „Un weten Se, wat noch komisch is, de is jüst een Dag vör dat nächsde Gräffnis verswunnen. Un denn schall de Kuhlmann ok noch wat mit Gerda Wolken hatt hebben, fragt Se de doch mal.“

„Wat ik al seggt hebb, wat ik al seggt hebb“, full Alwine wedder dortwüschen.

„Hebbt Se dor denn irgendwat in de Hand, hebbt Se wat hört oder sehn oder is dat blot all Sluderkraam?“ wull de Beamte weeten.

„Na ja, beswören kann ik dat nich, ik heff ja nix sehn. Aver wat de Lü so vertellt, hier in’nen Laden kriegt wi ja allerhand mit... Ik meen jümmers, wo Rook is, dor is ok Füür. Von nix kummt nix“,sä Willi.

„De Lü vertellt veels, wenn de Dag lang is“, meende de Beamte, man se mussen jedeen Henwies nagahn. De Polizei dee hör Arbeid. Wat Johannes Kuhlmann angung, harrn se nix inne Hand un ok kunnen se afsolut nix finnen, wat hüm belasten dee.

Un de Tüüg sweeg eerstmal. He harr hüm noch henholln kunnt, man bi lüttjen wurr dat eng. De Tüüg wull Geld för sien Swiegen, veel Geld. Hunnertdusend Euro. Aver kunn he ok seker wesen, dat de denn würrelk nix mehr sä un of he nich al nöslang wedder ankeem un noch mehr wull? Nee, kunn he nich, he muss ganz seker wesen, dat de Tüüg nix mehr vertelln dee un ok nich kunn. Dorum muss een Plaan her. He wuss ok al, wo he dat anstelln kunn.

De Bedingen weer, dat nümms wat van dat Dropen mitkriegen drüff. Dorum harr he mit de Tüüg ofsnackt, dat de so doon schull, as wenn he ut Lisbethfehn weggung. So gegen Klock teihn schull he mit Sack un Pack ut Lisbethfehn weggahn un so veel Lü as ’t man gung schulln mitkriegen, dat he gung.

Sodra dat düster weer, schull he to de Liekenhall komen un denn wull he mit hum allns klaar maaken, hum dat Geld geven, wat he verlangen dee.

Fortsetzung folgt

Lesen Sie auch:
Oldenburg

Fortsetzungsroman
„Düsterwater“ Teil 1

De Sargdragers leten de overmaten sware Ekensarg sinnig in dat Grafft glieden. Tofreden keek he to, wo de in dat ...

Oldenburg/Friesoythe

Krimi „düsterwater“ Auf Nwzonline
Was macht die Leiche im Elisabethfehnkanal?

Was macht die  Leiche im   Elisabethfehnkanal?
Oldenburg

Fortsetzungsroman
„Düsterwater“ Teil 14

„De Hölle is doch al heet“, griende Glöckner de Kolleeg an.„Ja, man he kann uns noch en beten mehr inheizen“, gaff ...

Oldenburg

Fortsetzungsroman
„Düsterwater“ Teil 15

„O Mann, Küster, ik bün doch keen Telefonvermittlung, ik geev di de Nummer, roop hör doch süllst an“, tiffkede ...

Oldenburg

Fortsetzungsroman
„Düsterwater“ Teil 3

Se wuss nich, wecke Tied för dat Dropen afmaakt weer, blot dat dat in Düstern wesen schull. Dorum tövde se. As ...

Oldenburg

Fortsetzungsroman
„Düsterwater“ Teil 8

Frauke Süvers keem mit verkwullene Ogen in de Kajüte, wor hör Keerl over en Stück Papier an’t bröden was. He truck ...

Oldenburg

Fortsetzungsroman
„Düsterwater“ Teil 9

Se leesde genauer un overleggde. Vör fiev Jahr um disse Tied wassen se un hör Ollern na Ollenbörg umtrucken. De ...

Oldenburg

Fortsetzungsroman
„Düsterwater“ Teil 10

„Och, kumm, Rita, nu wees man nich düll, dat weet doch elkeen, dat du wat mit en Keerl harrst. Wi sünd blot nich ...

Oldenburg

Fortsetzungsroman
„Düsterwater“ Teil 11

„He is vandaag man en beten tegen de Spoor, Herr Kommissar. Is ja ok keen Wunner, na so en Beleevnis, nich wahr?“„Ja, ...

Oldenburg

Fortsetzungsroman
„Düsterwater“ Teil 13

„Nu upstee? Is doch noch keen Sperrstünn,“ keem dat atemlos van Rita.„Süchst du hier noch Annerseen?“, froog he ...

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.