• Jobs
  • Immo
  • Auto
  • Kleinanzeigen
  • Deals
  • Trauer
  • Hochzeit
  • Guide
  • Shop
  • Tickets
  • Veranstaltungskalender
  • Fußball
  • Werben
  • Kontakt
  • Über uns
 
NWZonline.de Nachrichten Kultur

Fortsetzungsroman: „Düsterwater“ Teil 8

18.03.2017

Oldenburg Frauke Süvers keem mit verkwullene Ogen in de Kajüte, wor hör Keerl over en Stück Papier an’t bröden was. He truck en Streek, radierde hum futt weer ut, mook en neje, radierde weer, bit he ennelk tofree was. So verdüpt was he in sien Doon, dat he sien Menske gaar nich beachten dee. He schruck tosamen, as se froog:

„Wat maakst du dor?“

„O Mann, wat hest du mi verjaagt! Ik hebb heelnich mitkregen, dat du rinkomen büst. - Wat ik maak? Ik hebb versöcht, en Kaart to teken, wor de Platz van dat Malör indragen is. Dat bruuk ik seker noch maal, wenn nich för de Versekern, denn seker för de Polizei.“

„Meenst nich, dat de anhand van hör Fotos good sehn könt, wor dat west is?“

„Well weet al, worför dat good is. Seker is seker.“ He keek hör leevtallig an. „Geiht di’t weer beter? Du büst noch en beten witt um de Nös … witt um de Nös!“ He haude mit de Hand up de Tafel. „Nu weet ik, wat mi in de Kopp rumgeiht! Witt um de Nös!“

„Wat kwedelst du? Wat is dor so besünners an, na so en Beleevnis?“, wull Frauke weten.

„Nu weet ik weer, wat ik de Kommissar noch vertellen wull. De hett mi sovöl fraagt, dat ik heel vergeten hebb, hum dor up hentowiesen.“

„Ja, um Himmelswillen – wat denn? Nu segg dat doch ennelk!“

„De Angler – de is heel un dall de Klör verschoten, as de Liek in de Schlüüs upduken dee. Nettso witt as Kalk an de Mür is he worren. Ik docht al, de sackde tosamen. So sücht man ut, wenn wat an’t Lücht kummt, wat man lever verbargen will.“

„Och, Heinrich, du kwedelst ja, dat billst du di in. De hett sük blot verschrucken.“

„Nee, nee, ik glöv, de hett keen rein Geweten. He is ok temlik gau verswunnen, nahderhand.“

„Also, ik hebb nix dorvan sehn, dat du’t man weest.“ Frauke schüttkoppde twiefelnd.

„Natürelk hest du nix sehn, du harrst ja genoog mit di süllst to doon, nich wahr?“

„Weest du wat? Ik glöv, du süchst Gespenster. - Wat hett de Kommissar denn seggt, wennher wi weer wiederfahren düren?“

„Weet ik nich. He hett nix seggt. Ik roop nahst maal in Cloppenbörg an un fraag. Villicht word de Kanaal ja erstmaal sperrt, villicht komen noch en paar Düker un söken de Grund of. Magg wesen, dat se na dat anner Enn van dat Tau söken willen, well weet dat al. Wi kunnen ja hier futt achter de Hauptstratenbrügg an de Steeg fastmaken, denn kunnen wi mit Ruh ofwachten, wat dor geböhrd. Wat hollst du dorvan?“

„Du deist dat ja doch, egaal wat ik segg, dorför büst du völ to neeischierig.“ Se lachde. He nickoppde smüsternd un froog sük, wor de Schlüsenmeister woll weer.

---

Oberkommissar Küster un Kommissar Glöckner harren hör Vörgesettde alls vördragen, wat geböhrd was un wat se bit nu ruutfunnen harren. Sull de Presse Bescheed kriegen? Of wullen se dormit noch wachten? Kunn en Foto van de Dode villicht helpen? Mugg wesen, Een sach dat Bild un kennde hum weer, ofwoll he en beten anner Farv kregen harr. De Beerdigungsunnernehmer harr hör woll en Naam geven, man se mussen de Bewies hebben.

„Ik weet nich, so as de nu utsücht woll nich. Beter, wi laten dat Gesicht vörher dör den Computer rekonstrueern un geven dann en Bild an dat Dagblatt in Ollenbörg, villicht brengt dat wat. Anners al wat Neeis?“

„Nee, bit nu noch nich. De egentlike Pathologe is in Urlaub. De hum vertreden deit, is overlastet, also mutten wi uns gedulden, hett he seggt.“

„Küster, Se maken en Anfraag bi de Vermisstenstee. Villicht is he in de hör Datei.“ Kommissar Küster nickoppde blot. Dat harr he so of so al vörhatt.

„Glöckner, Se fahren mörgen nochmaal na Elisabethfehn un befragen de Tügen. Villicht gifft ok noch Annern, de wat beobachtet hebben, wenn dat ok al en Sett her is. Hett de Düker sük al mellt?“

„Ja, de kummt mörgen ok. Sall ik hum mitnehmen?“

„Lever nich, Se sünd seker noch langer togang. He hett seker ok en Auto.“

De beiden Kommissare gungen an hör Arbeid. De Leider van dat Kommissariat settde sük weer an sien Schrievdisk un greep na de Akte „Düsterwater“. So harr dat „Karkenteam“, as Küster un Glöckner van hör Kollegen spaßhaft nömt wurren, de Fall erstmaal betekend.

In de Ollenbörger Kinnergaarn „Regenbogen“ was dat still worren. De Moders un Vaders harren hör Kinner tegen Middag ofhaalt. De Namiddagsgruppe was noch nich dor, se keem erst um Klock Twee. Lisa Schoone sammelde mit de junge Praktikantin dat Spöltüg binanner, dat de Lüttjen van de Krippe liggen laten harren. Van so lüttje Kinner kunn man noch nich verwachten, dat se uprühmen deen, dat mussen de Erzieherinnen süllst doon.

[Ortsmarke][Kuerzel]Nu harr se en gode Stünn Tied, um sük to verhalen un en Spierke to eten, bevör dat Gedrüs weer losgung. Se settde sük bi de Kolleginnen daal un ahmde deep ut. De Leiderin lachde:

„Ja, vandaag wassen se weer nett as updreiht. Ik bün bliede, dat wi nu en Sett Leegloop hebben.“

Lisa nickoppde tostimmend un greep na een van de Dagbladen, de een van hör Kolleginnen mitbrocht harr. Up de veerde Sied was en Keerl ofbillt, bleek un en bitje raar van Utkiek, As se de Bidrag overfloog, keem se dorachter, dat se up en Bild van en Waterliek keek, wat överarbeid worren weer. Man harr hum in de Elisabethfehnkanaal funnen, in dat Dörp, wor se geboren un upwussen weer.

Lesen Sie auch:
Oldenburg

Fortsetzungsroman
„Düsterwater“ Teil 7

„Good, dat weer denn erst maal alls. Wenn wi noch Fragen hebben, mellen wi uns bi Jo. Jo Adresse hett mien Kolleeg ...

Oldenburg

Fortsetzungsroman
„Düsterwater“ Teil 3

Se wuss nich, wecke Tied för dat Dropen afmaakt weer, blot dat dat in Düstern wesen schull. Dorum tövde se. As ...

Oldenburg

Fortsetzungsroman
„Düsterwater“ Teil 4

De grote Yacht was intüsken bi de Iesenbahnbrügg ankomen, de kört vör de Schlüüs over de Kanaal föhrde. As de Mann ...

Oldenburg

Fortsetzungsroman
„Düsterwater“ Teil 1

De Sargdragers leten de overmaten sware Ekensarg sinnig in dat Grafft glieden. Tofreden keek he to, wo de in dat ...

Oldenburg

Fortsetzungsroman
„Düsterwater“ Teil 5

De Polizistin mook de Dör open un settde sük in de Wagen. Se greep na en lüttje Book un en Kugelschriever, dreihde ...

Oldenburg

Fortsetzungsroman
„Düsterwater“ Teil 2

Dor keem denn noch so’n beten wat bi, womit se sik intressant maken kunnen. „Well weet, wat dor los weer. Stille ...

Oldenburg

Fortsetzungsroman
„Düsterwater“ Teil 6

Johannes Kuhlmann aamde up. Mehr wull de nich van hum weten? „Dat kummt dor up an, wor de Wind herkummt. Kummt ...

Oldenburg

Fortsetzungsroman
„Düsterwater“ Teil 9

Se leesde genauer un overleggde. Vör fiev Jahr um disse Tied wassen se un hör Ollern na Ollenbörg umtrucken. De ...

Oldenburg/Friesoythe

Krimi „düsterwater“ Auf Nwzonline
Was macht die Leiche im Elisabethfehnkanal?

Was macht die  Leiche im   Elisabethfehnkanal?
Oldenburg

Fortsetzungsroman
„Düsterwater“ Teil 14

„De Hölle is doch al heet“, griende Glöckner de Kolleeg an.„Ja, man he kann uns noch en beten mehr inheizen“, gaff ...

Oldenburg

Fortsetzungsroman
„Düsterwater“ Teil 15

„O Mann, Küster, ik bün doch keen Telefonvermittlung, ik geev di de Nummer, roop hör doch süllst an“, tiffkede ...

Oldenburg

Fortsetzungsroman
„Düsterwater“ Teil 10

„Och, kumm, Rita, nu wees man nich düll, dat weet doch elkeen, dat du wat mit en Keerl harrst. Wi sünd blot nich ...

Oldenburg

Fortsetzungsroman
„Düsterwater“ Teil 11

„He is vandaag man en beten tegen de Spoor, Herr Kommissar. Is ja ok keen Wunner, na so en Beleevnis, nich wahr?“„Ja, ...

Oldenburg

Fortsetzungsroman
„Düsterwater“ Teil 13

„Nu upstee? Is doch noch keen Sperrstünn,“ keem dat atemlos van Rita.„Süchst du hier noch Annerseen?“, froog he ...

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.