• Jobs
  • Immo
  • Auto
  • Kleinanzeigen
  • Trauer
  • Hochzeit
  • Guide
  • Shop
  • Tickets
  • nordbuzz
  • Fußball
  • Werben
  • Kontakt
 
NWZonline.de Gartenzeit Pflanzen

Jens Meyer: Gorners ut de ganze Welt to Gast in Tange

15.05.2020

De Lüüd ut dat lütt Dörp Tange in‘n Landkreis Ammerland sünd dor al an wennt, kaamt Fohrtüge mit verscheden Kennteken. De willt all na „Jens Meyer Jungpflanzen“.

Einwilligung und Werberichtlinie

Ja, ich möchte den täglichen NWZonline-Newsletter erhalten. Meine E-Mailadresse wird ausschließlich für den Versand des Newsletters verwendet. Ich kann diese Einwilligung jederzeit widerrufen, indem ich mich vom Newsletter abmelde (Hinweise zur Abmeldung sind in jeder E-Mail enthalten). Nähere Informationen zur Verarbeitung meiner Daten finde ich in der Datenschutzerklärung, die ich zur Kenntnis genommen habe.

Dat Unnernehmen hett dat besünners mit de Uptucht van „Gehölzjungpflanzen“ to doon un alleen 45 % van disse Jungplanten ward in ganz Europa verkofft. Un so kaamt vele Gäste, disssiet un guntsiet van Düütschland, un in de kommodig Köök gaht denn de Geschäfte över de Bühn. „To dat Verkopen van Planten höört Vertroon to, un so gellt bi mi noch de Slag in‘e Hannen“, vertellt Jens Meyer, em höört dat Unnernehmen to. Disse Gorner, de nu so recht up‘n rechten Weg is, harr sik dat in jungen Johrn woll vörstellen kunnt, dat as Buur to versöken. Sine Öllern harrn in Tange een Buureree, un al mit twölf Johrn seet Jens up‘n Trecker an‘t Stüürrad. „Versteiht sik, bloots up‘n Hoff“, seggt Jens Meyer mit‘n lütt Grienen. Sien öller Broor wull ok geern Buur warrn, un so moss Jens sik wat anners söken. Al froh harr he‘n Vermaak an Arbeit in‘n Gaarn. So keem dat, dat sien Öllern to de Konfirmation em een lütt Gewächshuus as Geschenk tokamen leten. För de Planten harr he dat, wat wi den grönen Dumen nöömt. He harr dor bannig veel Pläseer an, dat mit de Tucht van Planten to versöken; un so weer dat gau klor: „Ik ward Gorner!“ Sine Frünnen van de Realschool menen bloots: „Gorner? Du büst ja van‘n Padd af!“ Socke Wöör brochen em nich af van dat, wat he wull, un so gung he sinen Weg. Bi de Gorneree Hettenhausen in Ocholt maak he sien Schoolpraktikum un achteran ok de Lehrtiet to‘n Gorner mit de Richt „Zierpflanzen“. Mit‘n groten Dank kickt he up disse Tiet torüch. „Hier heff ik bannig veel lehrt.“ Man he wull „vör Ort“ noch wat tolehrn, un so weer för em na de Lehrtiet veer Johr lang dat Wannern anseggt, so as Jens Meyer dat nöömt. In disse Tiet harr he för‘n halv Johr Arbeit in een Staudengorneree in Edinburgh in Schottland funnen. „Ok för mien Engelsch weer dat een bannig gode Saak.“ Na de „Wannerjohr“ besoch he twee Johr lang een Fackschool in Münster. Just „Betriebswirt“ un „Gärtnermeister“ wurrn, harrr he dat Leit van een Gorneree för „Zierpflanzen“ in Wiesmoor. Man de Wunsch in em wurd jümmer grötter, dat de Dag doch noch kummt, do he up egen Fööt stahn kunn. Un he seeg dor veel „Potential“ up dat Rebett van Boomscholen. Dat Weten, wat dor tohöört, kreeg he in‘e Boomschool van Diderk Heinje in Jeddeloh. Hier harr he veer Johr lang dat Leit van de „Vermehrungsabteilung“. Weer dor för em een free Minut, legg he al den Grundsteen för een egen Firma. An‘n 1. November 2003 weer dat denn so wiet: Jens Meyer maak sien egen Gorneree apen. As Een-Mann-Bedrief fung allns an; un vandaag sünd dor 15 Lüüd, de dor vull bi sünd, un 15 Lüüd för de Saison. Mit‘n half Hektar fung dat an, un nu sünd dat fief Hektar; un dor is Platz för rund dree Millionen Planten. „Harr ik nich de grote Hülp van mien Froo Imke harrt, weer dat allns nich so mööglich wesen“, vertellt Jens Meyer, un för em is sien Beruf ok sien Leven. Man dor gifft dat ok den Fall, dat he allns an‘e Siet leggt. Dat passeert jümmer denn, wenn dat Alarm gifft van de Freewillig Füürwehr Tange un he as engageert Füürwehrmann mit sine Mackers van de Füürwehr tohoop dat best Been na vörn sett.

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.