• Jobs
  • Immo
  • Auto
  • Kleinanzeigen
  • Trauer
  • Hochzeit
  • Guide
  • Shop
  • Tickets
  • nordbuzz
  • Fußball
  • Werben
  • Kontakt
 
NWZonline.de Nachrichten Kultur Heimatsprachen Snacken en Verstaan

De Düütschen un de Dackel

12.10.2019

In’t 19. Jahrhundert weer de düütsche Reichskanzler Otto von Bismarck faken mit sien Hunden to sehn. As he mit sien Doggen 1878 bi de Wiener Kongreß upträen is, weer de Snack glieks van de dütschen „Reichshunde“. Sogar düütschen Gedichten sind över de Doggen „Sultan“ un „Tyras“ schreven wurrn. Up de Denkmäler sitt een van sien Doggen faken tegen Bismarck.

Man tegen de Dackel keem de „Reichshund“ van Bismarck nich an. De „dütsche Teckel“ is ok jümmers an de Siet van Kaiser Wilhelm II (1859 – 1941) to sehn ween. Vör all de Korthaarteckel „Erdmann“ is as „Kaiserdackel“ bekannt wurrn. Dackel weern in’t 19. Jahrhundert bi de Adel hoch in’n Tell. Ok vandagen noch hett dat Königshus in Dänemark vele Dackel. Wo de Königin Margarethe is, sünd ehr lüttjen Teckels nich wiet. „Erdmann“ is 1901 sturven, as de Kaiser in Kassel weer, sien Graff is vandagen noch in’n Bergpark Wilhelmshöhe to bekieken.

In de Tiet van Kaiser Wilhelm II ward de Teckel besünners bekannt. Dat geev ok vele Postkarten, wo een Dackel an de Siet van’n Kaiser sitten deit. Dor passt ok to, dat in’t „Dreikaiserjahr“ 1888 de „Deutsche Teckelklub 1888“ gründt wurrn is, de vandagen an de 20.000 Maten in Düütschland hett.

Graff van de Kaiserdackel

Well vandagen na Hus Doorn in de Nederlanden föhrt, wo Kaiser Wilhelm in’t Exil leevt hett, kann in’n Park ok dat Graff van de Kaiserdackel „Senta“ bekieken.

Mit de Jahren is de Dackel dat Teken för de düütsch „Spießbürger“ wurrn. Lodenmantel, Jagdhoot un en fein Vörgarden sind de Bilder, de wi ut de 1950er Jahren kennt. Man flink is de lüttje Dackelnöös ok „kult“ wurrn. Al siet 1965 gifft dat de „Wackeldackel“, de us upstunns noch up de Hootaflagen van Autos in de Mööt kaamt. Sien Nickkoppen is meist as en trohartig „Ja-ik-hör-to-Di“ van dat lüttje Dackelhart an de Minsch to verstahn.

1972 weer dat grote Jahr van „Waldi“. Waldi weer de „kunterbunt-as-Nabershund“-anmalte Dackel, de as Maskottchen för de Olympischen Spiele in München stund. In dat Jahr geev dat 28.000 Dackelwelpen in Düütschland. Somit stund de Dackel nich blots bi de Jägerslüe parat – ne he stunn nu för en Levensgeföhl. De Dackelblick, sien Levde för de Minsch, de kien End kennen deit un de Sturkopp van de lüttjen Slüngels, hebbt flink en Stäe in us Hart un Wahn-stuven funnen. Un dat nich blots in Bayern.

Man denn gungen de Tuchttahlen trügg. 1996 geev dat blots noch 12.000 Dackelwelpen. Sogar van en Utstarven van de Teckel is 2007 snackt wurrn. Jümmers mehr Moderassen weern ansehen. Weer in de Werbung ja de West Highland White Terrier so sööt, wulln wi de up eens all hebben. Keem de Film „101 Dalmatiner“ rut, wullt all Lüe de hebben. Mit de Serie „Hausmeister Krause“ is de Dackel al weer as Teken van Spießerween in Verbinden bracht wurrn.

Bringt us to’n lachen

Liekers hett de Dackel in Japan vele Frünnen funnen. Dor kemen 2007 an de 20.000 Dackel up de Welt. De meist Dackel leevt woll nu in Japan. Man dat is noch kien Grund nu van de „asiatische Dackel“ to snacken. De lüttje Fiffikus mit lange Ohren un krumme Been, egal of Körthaar, Rauhaar oder Langhaar, egal of Zwergteckel oder Kaninkenteckel – he bringt mit sien enzigaartig Wesen us Minschen up de ganze Welt to’n lachen. Un wi Dütschen lernt de Dackel ok weer nei kennen. Jümmers mehr Dackel hebbt junge Lüe an’t anner End van de Lien. Un siet 2018 gifft dat ok in Passau in Dackelmuseum. Also flink mit Wackeldackel up de Hootaflagen na Bayern hen.

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.