• Jobs
  • Immo
  • Auto
  • Kleinanzeigen
  • Trauer
  • Hochzeit
  • Guide
  • Shop
  • Tickets
  • nordbuzz
  • Fußball
  • Werben
  • Kontakt
 
NWZonline.de Nachrichten Kultur Heimatsprachen Snacken en Verstaan

Erdbeeren: Markus Wempe: De Saison mit Spargel, Eerbeern „& Co.“ geneten

05.06.2020

Sünd wi doch maal ganz apen to‘nanner: Wat weer de Sommertiet ahn de roden, söten „Früchtchen“. De frischen Eerbeern, sülfst up dat Feld plückt, wat to‘n Geneten! Dat „Sülfstplücken“ weer männigeen Johr nich anseggt, bit nu: „Just de jungen Lüüd hefft woller Vermaak an de Natuur, Vermaak an de Produkte vör us Huusdöör; un so is dat bi us in dit Johr anseggt, woller sülfst to plücken“, freut sik Markus Wempe. Up‘n Hoff van Wempe ward in elkeen Johr Spargel, Bickbeern, Himbeern un – dat versteiht sik – Eeerbeern, up de se all scharp sünd, anboot. För all dat gifft dat‘n egen Hoffladen in Neu-Holzkamp (Gemeinde Ganderkesee), un‘n Barg Köper find sik in. Markus Wempe un Familje föhrt elkeen Dag van Ganderkesee na Langförden. Hier is sien Tohuus un hier harrn sien Öllern ehren Buurnhoff. An sien Kinner- un Jugendtiet denkt Markus geern torüch. Tohoop mit de Kinner ut de Naberschupp wurd veel up de Been stellt, an‘n leevsten buten in de frische Luft. Al in dat Öller van teihn Johrn kunn he mit sien egen Hannen den Trecker van sinen Vadder föhrn. Al ganz froh weer em dat klor: „Ik ward Buur“. Na dat „Berufsgrundbildungsjahr“ lehr Markus Wempe in twee Buureen up Landwirt: „Dat weer een Tiet, ahn de kann ik nich to“. Na de Fackschool in Vechta harr he geern noch in‘t Utland för de Praxis wat tolehrt. Man de Gesundheit van sinen Vadder weer nich best, so hett he foors den Bedrief van de Öllern in sien Hannen nahmen. Döör‘n Tofall harr Familje Wempe dat in‘e Kunnen krägen, dat in de Gemeinde Ganderkesee un hier in Neu-Holzkamp een Ackerflach to verpachten weer. Al to de Tiet hett Familje Wempe Eerbeern in Langförden anboot, man de Verkoop weer noch nich alltobest. Dat Dörp Neu-Holzkamp liggt ideal, sünd doch de Städte Delmenhorst un Bremen nich wiet weg. In dat eerste Johr kunnen de Lüüd ehre Eerbeern up een Flach van söss Hektar noch sülfst plücken, wat van dit Johr af ok woller geiht. In de Tiet van de Arnt för Spargel un Eeerbeern sünd dor 100 Helpslüüd mit bi. Man de Arnt van Eerbeern is nich allns, för Markus Wempe hett ok de Tucht van Planten för de tokamen Tiet een groot Bedüden. Laat Spargel, Eeerbeern „& Co“ maal‘n beten Tiet, so sünd twee Hobbys anseggt. To‘n eersten föhrt he geern van ganzen Harten mit sien Quad. Dorför geiht dat mit Frünnen in elkeen Johr een Week lang na Mallorca, un hier geiht dat mit‘n Quad över Stock un Steen. Dat tweete Hobby is bi‘n Beer un bi gode Luun kamen. Bi‘n Volksfest in Langförden menen Marcus un twee Frünnen, dat se doch best bi‘n „Reiterfanfarencorps Visbek e. V.“ mitmaken kunnen. De Haken weer bloots, dat all dree bi at Beer un bi de gode Luun vergeten harrn, dat se nich riden un ok kien Instrument spelen kunnen. Nüms wull‘n Verlerer afgeven, un so lehr Markus dat Riden un bi‘n Musikmester dat Spelen van een Fanfare. „Dat eerste Maal up‘n Perd, mit‘n Musikinstrument un denn vör Publikum, dat broch di to‘n Sweten!“, dat weet Markus Wempe noch. Vandaag sünd Markus un sine beiden Frünnen mit Stolt Maten in dat „Reiterfanfarencorps“ un bi Markus staht middewiel twee Päär un twee Ponys in‘n Stall. Man‘n besünnern Stolt hett he för sien Familje mit Ehefroo Liane un de beiden Kinner Leon un Maja.

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.