• Jobs
  • Immo
  • Auto
  • Kleinanzeigen
  • Trauer
  • Hochzeit
  • Guide
  • Shop
  • Tickets
  • Veranstaltungskalender
  • Fußball
  • Werben
  • Kontakt
  • Über uns
 
NWZonline.de Nachrichten Kultur Heimatsprachen Snacken en Verstaan

Fred Onken fiert sinen Geburtsdag

22.07.2021

An’n 19. in’n Februarmaand is Fred Onken sösstig wurrn, un dat is ja woll’n Grund to’n Fiern. Man wat Fred is, de fiert nich geern in’t Huus, he hett dat al jümmer mit een „Gartenparty“ harrt. Un so lett he sien Frünnen weten: „Minen runnen Geburtsdag fier ik an’n 25. in’n Julimaand af Klock ölven. In de lesden Daag van’t Juli wiest us jümmer de Sommer sien beste Siet!“

De Sommerdaag kaamt. Man dat Mallöör is, dat dat just in de lesde Juliweek bannig koolt is, un de Fiefuntwingigste bringt Regen, nix as Regen. Fred sien Frünnen sünd reineweg vergrellt: An so’n Dag in‘’n Gaarn Geburtsdag fiern! Mutt dat denn wesen? Mit’n muulsch Gesicht maakt se sik Klock ölven mit een warme Jack un mit’n Regenschirm up’n Weg na Fred sien Huus. Fred sien Söhn spillt so’n beten den „Empfangschef“ un stüürt de Gäste in’n Gaarn. De stellt sik mit’n vergrellten Kopp unner de hogen Bööm un versöökt, den Regen so’n beten an’e Siet to schuven. Disch un Stöhl sünd al upstellt, ok de Beer- un Wienglöös staht praat. Un dat „Geburtsdagskind“ un sien Froo? Van de beiden is narns wat to sehn. De eersten Frünnen överleggt al, woller na Huus to stäveln un sik mit’n stieven Grog uptomuntern.

Mit’n Maal kummt de Söhn in’n Gaarn un lett de Gäste weten, dat vör de Döör al de Bus steiht, un se schullen man gau instiegen. De Frünnen, al rejell natt wurrn, schüddelt mit’n Kopp. Man se gaht likers in‘n Bus sitten, un de Bus stüürt de „Passagiere“ – na‘n Dörpkroog! Hier geiht dat foors in den groten Clubruum. De Wänne und Finster van dissen Ruum versteekt sik achter unmunnig grote Fotos van Fred sinen Gaarn; de Sünn schient, un de Blomen bleuht in männigeen Klöör. De Footbodden is mit’n Kunstrasen utleggt. Beer-, Wien un Sektglöös sünd al vull. Fred un sien Froo staht middenmang, un he meent, mit’n Smustern in‘t Gesicht: „Nu snappt jo man’n Glas, un denn drinkt wi up dissen moien Sommerdag!“

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.