• Jobs
  • Immo
  • Auto
  • Kleinanzeigen
  • Trauer
  • Hochzeit
  • Guide
  • Shop
  • Tickets
  • nordbuzz
  • Fußball
  • Werben
  • Kontakt
 
NWZonline.de Nachrichten Kultur Heimatsprachen Snacken en Verstaan

Freeden in de EU

31.12.2013

Ik bün ja so blied, dat de Europa-Quakbüdels bi de Wohl an’n 22. Sept. 2013 nich in de Bundestag kamen sünd. Worüm? Wieldat wi anners de oole Fleegerhorst in Ollnborg harrn weer apen maken müsst. De fein Solar-Speegels dwars över de Landebaans – un nu laangs de moi, neej Padd van Ofen na Metjendörp – harrn wi weer affmonteeren un de Padd weer dicht maken müsst. Worüm dat denn? Düütschland hett doch gor kien Fienden meer in de Welt? Nee, upstünns woll nich – obers wenn wi de Euro weer rutsmieten willen, de aarm Länners in de EU nich meer helpen willen, de Müürn un Stiekelwiern an uns Gränzen weer upboon willen, keen „Utlänner“ meer na Düütschland rinnlaten willen – ja, denn mutten wi woll weer de Wehrplicht inföhrn un de Fleeger-horst in Ollnborg weer aktiveern. Denn hebben wi de düütsche Geschichte üm hunnert Johr trüggdreiht. Denn heet dat ok nich meer, dat de düütsche Kanzlerin de machtigste Fro in de Welt is, de obers ok ’n Hart för de swacke EU-Länner hett – nee, denn iigelt sük Düütschland weer in… mit Stiekelwier un Fleegerhorst. Un dorbi vergäten wi denn fix, dat Düütschland ok na de 2. Welt-Orlog sovöl Hülp van de USA kreegen hett.

Weitere Nachrichten:

EU

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.