• Jobs
  • Immo
  • Auto
  • Kleinanzeigen
  • Trauer
  • Hochzeit
  • Guide
  • Shop
  • Tickets
  • nordbuzz
  • Fußball
  • Werben
  • Kontakt
 
+++ Eilmeldung +++
Aktualisiert vor 6 Minuten.

250-Kilo-Bombe in Rostrup gefunden
Es wird laut: Blindgänger muss gesprengt werden

NWZonline.de Nachrichten Kultur Heimatsprachen Snacken en Verstaan

Gesund läven willt wi doch all

31.01.2018

Dat harr ik mi fast vörnahmen: Ik wull geern gesund leben, so recht na den ne’esten Stand. Darum lees ik in Böker un in jedet Blatt, wat ik tofaten kriegen do, allns genau dör över dat richtige un gesunde Äten. Sünd jo meist Dokters un Professors, de dar wat van schrieven doot. Van de kann un wull ik wat van lehren. Man ik kaam dar jo man nich gegen an, gegen all dat, wat de schrieven doot. Ik kann mi nich ümmer gau genoog ümstellen un dat richtige Äten up’n Disch kriegen.

Ehrgüstern lees ik woller, dat dat best is, Botter to äten. De is dat „A un O“ för de Nerven un is ok anners sooo gesund. Cholesterin? Wat hebb ik mi dar al um hatt – dat is up maal all för de Katt, wat dar van schreven stund. – Un mien Pott Diätmargarine? Vörgstern schull de dat Allerbeste wäsen.

Bi Mölk weet ik ok nich mehr ut noch in. At se dat mit de „H-Mölk“ utklamüstert harrn, do weer de doch so goot un gesund. Keem mi ok so moi topass. Ik bruuk wegen mien Spier Mölk nich mehr jeden Dag ut’n Huus. Man dar harr al gau’n Uul seten. „H-Mölk“ dögt nix mehr! Is to heet maakt wurden. Ik woller jeden Morgen hen na minen Buur un her mit de frische Mölk. Bet ik lesen dee: Een Buur harr sine frische Mölk so van’e Kooh weg u’p Markt verköfft. Den hebbt se foors bi’n Kripps kregen van wegen – wo ungesund at dat is – Mölk verköpen, de nich eerst „homogenisiert“ is.

Wat drink ik denn no blot? Water? Tja, wat för Water? Mineralwater? Wecke aver? Van wegen Nitrat oder Nitrit un so wat dar her. Oder eenfach Leitungswater? Ik bün dar nich slau ut wurden.

Do sehg ik’t: Beer! Us reine dütsche Beer! Dar is noch nix nich twüschenmengeleert. Dar geiht nix över. Is ok goot för de Nerven. Un de Spriet dar in? Ik weet Bescheed: ’n Spier maakt nix. Is bäter at Pillen un Medizin. Kannst dat Äten bäter verdrägen, un dar kummst van in’e Gang, wenn flau gestellt büst. Un mi hölpt’n Magenbitter, wenn’t Gröönkohl of sowat geben deit.

Man do lees ik ja man: Laat den Schnaps ut’n Liev! De is Gift för Lever un Gall’. Un wenn mi nu Kohl un Pinkel swaar in’n Magen legen deit? Gar nich eerst sowat äten! Hool di an Grööntüügs un Gemüüs. Dat is gesund. – Doch do stund in’e Zeitung: Jo nich blot grönen Kraams äten! Dar kannst gräsig krank van werden. Dicht darbi lees ik foors achteran wat över Allergien – un denn: Hool di blot an Rohkost un Salat. Dat is dat beste un dat hölpt dargegen. Klung, at weer dat so säker, at dat Gäle in’t Ei.

Eier! Noch darto dat Gäle! Wor doch sovääl Cholesterin insitten deit. Un ik mag Eier so geern – un us Oma, de hett jeden Dag een äten un is dar nägentig Jahr bi oolt wurden. Weern de Eier do denn woll anners at nu? Oder hett Oma kien Zeitung leest? Hett de man eenfach so dat äten, wat se harr un wat ehr smecken dee? Ik bün bi all mien Studereree dar ok ümmer noch nich klook ut wurden, wat nu wirklich bäter is, mager at’n Zääg oder rund at’n Koh?

Aver do keem ik dar achter: Heilfasten! Dat is de wahre Jakob! Dar geiht nix nich över! Ik bün dar ok foors mit anfungen, foors. – Un lees an’n annern Morgen mit’n nöchtern, knurren Magen: Fasten! Dat blot nich eenfach so! Ganz un gar nich, ohn’ eerst den Doktor to fragen. Dat kunn slimm un unmunnig gefährlich werden . . . Fröhstück ik morgen froh nu eerst, . . . oder lees ik eerst de Zeitung???

NWZonline.de/gesundheit
Alles zum Thema Gesundheit finden Sie hier!

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.