• Jobs
  • Immo
  • Auto
  • Kleinanzeigen
  • Trauer
  • Hochzeit
  • Guide
  • Shop
  • Tickets
  • nordbuzz
  • Fußball
  • Werben
  • Kontakt
 
NWZonline.de Nachrichten Kultur Heimatsprachen Snacken en Verstaan

Iesblomenwunner an de Finster

20.02.2020

Buten harr de Frost dat Regeer. Bööm stunnen ahn Blöör un nargends weer ene bunte Bloom to sehn. In de kole Slaapkamer harr de lüttje Lisa sick unner de warme Bettdeek verkropen. Bi de Kull wull se nich upstohn. Man enen Blick dör dat Finster kunn se woll riskeern. Blootfoot leep se dar up to. Aver wat weer dat! Up de Schiev seet van boben bit unnen sneewitt Ies. Dat ganze Finster blinkerde. Aver kien eenfach glatt Ies. Dar weer allns to sehn: Blomen, Blöör, Stengels. Man allns weer dör’nanner. Lisa keek un keek, man se kunn gar nich so recht dar wat rutkieken. So wat harr se jo noch nie nich sehn. Of de Wiehnachtsmann de Finsterschiev in Zucker verwandelt hett, gung ehr dat dör’n Kopp. Mit enen Finger probeer se. Nä, kien Zucker. Un sööt smeckte dat ok nich. Aver wer harr denn dat Finster blot so bunt maakt?

Wieldeß kummt ehr Mudder mit Papier un Holt un maakt Füür in Aven an. Upgereegt fallt Lisa ehr um ’n Hals: „Mama, kannst du mi verteilen, wer disse sneewitten Blomen an de Finster maalt hett?“ „Dat weer de Nordwind“, sä ehr Mudder, „de Nordwind bringt den Winter mit. Un de Winter maalt de Iesblomen an de Finster!“

„De Winter, also de Winter hett se mitbrocht, de Iesblomen. Wunnerbar is dat, dat de Winter wiest, dat he ok Blomen bringen kann, nich blot de Sommer. De Blomen sünd woll still un se bewegt sick ok nich, aver wat blinkert de. As Kristall mit dusend tingelnde lüttje silverne Steerns. Nun keem en Sunnenstrahl an’t Finster. Dat Silver wurr upmaal Gold un dat Blomenfinster luchte so moi as in en Wintermärchen.

Middewile wurr dat in de Slaapkamer warmer un warmer. Lisa keek na ’t Finster. Se verjaag sick. Van de Iesblomen weern de bobersten upmaal verswunnen. Weern weg, eenfach weg. Jo, wo weern de denn bleven? Un nu, wat weer nu denn? Immer mehr van de mojen witten Blomen verswunnen. Toleßt weern nix mehr dar van de Iesblomen. Blot en paar Waterdruppen un de, jo wohrhaftig, de lepen langsam as Tronen de Finsterschieven runner. „Mama“, sä Lisa mit weke Stimm, „dat Finster weent, de mojen Blomen sind weg. De Aven hett Schuld!“ Mama neem Lisa in ’n Arm un verkloor ehr: „Vannabend, wenn dat Füür in Aven ut is, dennso kummt de Winter woller un schickt di woller Iesblomen!“

Lisa weer tofreen un freu sick al op den nächsten Morgen, up de mojen witten Iesblomen. Buten höör man den kolen Nordwind um de Huusecken hulen.

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.