• Jobs
  • Immo
  • Auto
  • Kleinanzeigen
  • Deals
  • Trauer
  • Hochzeit
  • Guide
  • Shop
  • Tickets
  • Veranstaltungskalender
  • Fußball
  • Werben
  • Kontakt
  • Über uns
 
NWZonline.de Nachrichten Kultur Heimatsprachen Snacken en Verstaan

Is Danzen bi de jung noch anseggt?

10.07.2021

Veel junge Lüü fangt mit de Danzschool an, weerd daardör de Leev för’t Danzen gewahr un enige gaht na’n Danzkurs reell in een Vereen. Daar kunnen aver noch veel mehr Lüü Spaaß an’t Danzen finnen, wenn se dat eenfach maal utprobeert. Veel troet sik nich, wieldat an’n Anfang jümmers eerst uncool is. Aver man finnt eerst rut, wat man överhoopt allns dör dat Danzen kriegen kann, wenn man dat mal probeert.

Ik hebb dat maakt. Ik pack in de Momang all mien Geföhl in de Danz. Aver wat bedüüd Danzen för de Danzlüü, de ok all siet Jahren düssen Sport bedrieven doot? Daarto hebbt sik Natalia Velikina (22) un René Marcel Libera (24) vun den GVO Ollnborg mellt. De twee danzt al siet teihn Jahr: Se maakt dat Danzen liedensgeern un sünd mit Füür un Flamm an’t Wark. Bi´t Danzen lehrt man en groot Kultur kennen, de dat siet Jahren gifft. Man hett nich bloot dat Weten över dat hüdige Danzen, man ok daaröver, wo sik dat Danzen vun fröher bit vandaag entwickelt hett. Bi´t Danzen lehrt man nich bloots wat över dat Danzen an sik, sünnern ok Saken för dat Leven. Nich bloot de recht Umgang mit Minschen, man ok disziplineert an een Saak to arbeiden un daarop wat optoboen. Danzen ward faken as en eenfach Sportaart ankeken un meist as Gesellskuppssport. Ik heff sülvens mit seven Jahr anfungen to danzen. Siet dree Jahr danz ik bi de GVO Ollnborg. Ik kann mi en Leven ahn Danzen al nich mehr vörstellen. Ophollen kann ik daar nu nich mehr mit. Ik seh dat ok nich bloot as en Hobby an. För mi weer dat Danzen al jümmers een wichtigen Deel in mien Leven. Man kann in dat Danzen so veel rinsteken. Wenn ik op de Danzflaag stah, höör ik nich bloot de Musik. Fang ik an to danzen, gah ik deep in mi rin. So is dat uk bi ganz veel anner Saken vun de Kunst.

Jüst in’n Leistungssport maarkt een, wo deep man in dat Danzen ringahn kann. Dat Danzen is bi de junge Generatschoon jümmers noch en Deel van groot Bedüden för dat Leven. Aver ward dat ok so blieven? Nu, dat Danzen helpt veel jung Lüü, sik persönlich to entwickeln. Daardör, dat man bi´t Danzen veel över de egen Liev lehrt, finnen veel to sik sülvst un warrt daardör krodd. Wi denkt, dat dat Danzen in düsse Tiet en wichtigen Faktor is för de Bewegung un ok in Tokunft noch mehr Ansehen winnen ward. Un klaar haapt wi, dat de Chancen, de sik dör dat Danzen ergeevt, vun veel mehr Lüü utmakt ward.

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.