NWZonline.de Nachrichten Kultur Heimatsprachen Snacken en Verstaan

Joe un Kamala „for President“!

31.12.2020

Twee Mol in mien Läben hebb ik de heele Nacht vör den Kiekkasten säten – dortwüschen liggt ’n half Johrhunnert: 1969 bi de Mondlandung un 2020 bi de US-Wohl Trump tägen Biden. 1969 weer ik heel blied un stolt up Amerika – in dit Johr 2020 weer ik een Wäk, nee: dat heel Johr laang, vertwiefelt. Ik much nich meer in ’n Kiekkasten kieken – de ollste Demokratie in de Welt hett jümmer noch een Wohlrecht, dat van Cowboys un Trappers in de Prärie vör 200 Johren upstellt worrn is. Dat is tja haast so, as wenn Karl May in Düütschland uns Grundgesetz schreven hett! To ’n Glück nich …

Man denn … keem de Saterdag an 7. November 2020 mit vööl Sünne in Ollnborg, Twüschenahn un Oostfreesland! Siet disse historisch Saterdag mutt ik nu nich meer na Spitzbergen an de Polarkring utwannern, wieldat ik dat Elend in de USA nich meer mit ankieken wull. Dat hebb ik al in ’n Sömmer mien Frünnen anseggt – un de hebben mit ’n Kopp sküddelt. Ik harr seggt, dat ik all disse Twitter-Lögens över Mexikaners, Chinesen, Düütsche, Merkel, de Klima-Verännerung un de Wetenskup öwerhaupt van Mr. Trump nich meer höörn will un kann. Man nu hett disse Anti-Demokrat Trump nix meer to seggen. Wat moi! Ok de Populisten, Brexisten un Nationalisten in de EU mutten dat nu woll weten. „America first“ heet tja woll up Düütsch „Mien eegen Land över all annere in de Welt“. Un dat hebben wi doch vör tachentig Johrn al mol in Düütschland höört. Dormit sünd wi bös un blöderik up de Nöös knallt – nich blots wägen de verloorn Orlog! Nee, wi hebben domols ’n Tietlang ok uns Seele verloorn.

Wat weer denn nu överhaupt goot in 2020? Dit gefull mi best: Düütsche Gesetze tägen Corona / 95 Percent van all Düütschen sünd tägen de dösigen Berlin-Demonstanten un Dwars-Proters wägen de Corona-Vörschriften / Dree Polizisten stoppen Dusende van Verrückte up de Trapp van den Reichsdag / De Charité un de Mediziner in Berlin redden Nawalny / Weten-skup is doch noch starker as dat Lögen von Trump, Putin, Lukaschenko or Bolsonari.

Ober dat Beste in 2020 blifft: De „machtigste Mann in de Welt“ is nu nich meer Trump, dat is nu in Tokunft een demokratisch Minsch mit Anstand, Wietblick un Vernunft: „Uncle“ Joe Biden! Un he hett een jung Vize-Präsidentin an sien Siet, för de ik nu al an een „Campaign“ grünnen kunn mit disse Slogan för de neegste Wohlstriet in de USA: „Kamala for President!“

Also, mien Summa Summarum för 2020 is: Ik gah nich na Spitzbergen un ok nich in de USA – ik blief lever in Ollnborg/Oldb.

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.