NWZonline.de Nachrichten Kultur Heimatsprachen Snacken en Verstaan

Neeshöörn           un en Kuckuck

26.08.2019

Jürgen Struß den se all Billy nöömt, wiel he jümmer mit en groten Hoot rümlöppt, meist as so en Cowboy, - also Jürgen is verleden Jahr na Afrika reist. 14 Daag mit’n Bus dör Namibia und Südafrika. Un achteran weer he vull von al dat, wat he dar beleevt un sehn hett: Elefanten, Flußpeer, Löven un wat dar noch allens rümkruupt.

Sünnerlich de Neeshöörn hebbt em düchtig gefallen. „Da gifft dat nich mehr so veel von“, verklaar mi Jürgen, „da weer dat meist en grotet Glück, dat wi se sehn hebbt. Un nu“, Jürgen keem meist in Raasch, „nu stell di vör, - de Lüüd dar in Namibia hebbt mi dat vertellt, magst meist nich glöven – dar keem so en Amerikaner un wull en Neeshoorn scheten. Richtig dootscheten wull he dat. Dar wull he twintigdusent Dollar för betahlen. Stell di vör, twintigdusent, dar kunn ik mit miene Luise noch en paarmal na Namibia föhren.“ „Un hett he schaten?“, fraag ik. „Dat weet ik nich“, anter Jürgen, „aver de Lüüd hebbt em fraagt, warum he dat denn scheten wull. Ja, un watt hett he seggt? He harr höört de Neeshöörn weern bald utstorven. Un eder dat passeer, wul he noch gern en scheten.“ Ik segg di, leeve Leser, dar blifft een de Luft weg.

Nu is dat för us von de Waterkant wat Wunnerbaret, mal solke Deerten as de in Afrika in de Natur to beleven. Anners kriegt wi se ja nur bi Hagenbeck to sehn. Aver för de Lüüd dar in Namibia is dat nix besünnert. Dar fraagt een sik, gifft dat bi us ok Deerten, de een anners nich kennt, un de för us normal sünd?

Ja, nu mutt ik jo von Kelly vertellen. Dat weer en Deern ut Amerika, groot, swatthaarig un smuck. Ehr Opa weer en Indianer bi de Sioux wesen. Kelly keem för en Tiet na Dütschland un wull hier allens kennlehren. Se weer bi de Familie Köhler ünnerkamen. wo se mang de Köhler-Deerns levte, as höör so al jümmer to de Familie. Un so wöör Kelly ok trurig, as sik ehr Afscheed so langsam ankümm. Se wull, see se, gern för ehre Öllern en „Cuckoo Clock“ - also en Kuckucksklock – mitnehmen. Dat vertell se de Köhler-Öllern. un de hebbt daför sorgt, dat dat ok klaar güng.

Dat weer en wunnerschönen Dag in Mai-Maand, kort eder Kelly afreiste, as de Köhlers all tohoop mit ehr en Radtour maken. Un dar höörn se von wieden den Kuckuck ropen, luut un goot to verstahn: „Kuckuck! Kuckuck!“ Kelly bliev stahn, mit grote Ogen un vull Unglöven luster se. Un denn kemen de Wöör: „Gifft den wirklich?“

Süh, leeve Leser, bi us kann en keen Nilpeer, Krokodilen un Tiger in de Natur sehn. Aver en Överraschung gifft dat bi us ok noch genoog.

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.