• Jobs
  • Immo
  • Auto
  • Kleinanzeigen
  • Trauer
  • Hochzeit
  • Guide
  • Shop
  • Tickets
  • nordbuzz
  • Fußball
  • Werben
  • Kontakt
 
NWZonline.de Nachrichten Kultur Heimatsprachen Snacken en Verstaan

Nich all Sport-Arten sünd för ool Lü

01.06.2018

Ostermaandag is för de Familie reserveert. Wi hebbt de Kinner inladen, de Enkeldeerns nu ok al mit är Brögams. Mien Fro harr fein Äten to’n Fröhstück trechtmaakt, sik bannig Möh gäven ,dat ok allns goot munnen schull. Naja, de jungen Lü hebbt den ja doch so är eegen Ätens-Aart. Man upleßd sünd all satt wurrn un weern’t ok tofrä’en. Vääl wichtiger avers weer ja ok dat Mit’nanner-Snacken. Oma un Opa sünd nu mal neeschierig, wat de Kinner so maken doot. Wo’t in’e School lopen deit, wat in’e Freetiet in’e Gang is. Man mutt al fragen, freewillig vertellt se nich so vääl. Süh, un do keem vördag, us veer jungen Lü wullen an den Namiddag van Ostermaandag noch na’n buldern. „Wat is dat denn?“ froog ik överrascht, harr dat Woort noch nienich höört. Se vertelln mi, dat richtige Woort weer „bouldern“. „Tja, un wat is dat? Dat klingt so gediegen“. Na, denn wurr ik upklaart: Dar is’n Halle, dar is’n breede, hoge Wand, dar kann’n an hooch klattern. In’e Wand sünd so’n Aart Handgrääp van verscheeden Grött un Form, wor’n sik an fastholln kann.

In’e Nacht muß ik jümmers an disse Wand denken, stell mi vör, wo dat aflopen kunn mit de Klatteree. Annern Dag sä ik an mien Fro: „Weeßt wat, mi lett dat kien Roh, ik gah hen un kiek mi den Spaaß is an“. „Wat!“ meen se verjaagt, „Du wullt doch woll nich de Kinner dat namaken?“ „Bedaar di, ik will mi dat Spillwark blot ankieken. Ik kann mi nich vörstelln, wo us Kinner dat angahn doot. Se sünd, wat den Sport angeiht, doch mehr verstüürt up swemmen“.

As ik na de Halle keem, muß ik eers mal Geld berappen, ofschonst ik ja blot kieken wull, wat dar binnen malöörn dee. Naja, un denn seeg ik ja, wo een Reeg van junge Lü dar an rumwrangeln weer. Ut Vörsicht mussen se sik een Tau um’n Liev bummeln un denn eers gung’t an Klattern. An verscheeden Kantstücken muß man anfaten un sik so suutje na baven hangeln. Dat seeg eernfak ut, man weer’t afsluut nich. Wecke weern na een, twee Meter al an’t afglieden. Ahn Maleschen, versteiht sik. Een Helpsmann holl de Lien stramm in’e Hannen.

Ik bün paar Jahr lang mit mien Wannerfrünnen na Östriek föhrt, sünd so wat bi tweedusend Meter un mehr baven west, natürlich nich Steilwand, sünd avers ok nich blot een säkern Footpadd lopen, nä ok dör Buschwark kropen, dat wi de Gemsen bäter sehn kunnen. Ik keem in’t Nadenken: Ik föhl mi in mien Öller noch nich ganz möer. Of ik villicht …? Tominnst een Versöök weer’t ja woll wert. Heff ja een Helpsmaat unnen stahn.

Ik froog den Upseher.Man wat seggt de? „Nä, Opa, dat laat leever. Spaar de Tiet in’t Krankenhuus!“ Ik wull den jungen Snösel jüüst antern, do full mi bi: Du büst nich blot Opa, du büst ok Ur-Opa mit’n halv Dutz Ur-Enkel! Wullt du di vör de blameern? Un na’n Sett Nadenken, doch ik: Bliev leever bi’t Radfahrn, dat is ok al gefeerlik noog. – Ik weet nu avers tominnst, wo dat mit dat „bouldern“ vör sik geiht.

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.