• Jobs
  • Immo
  • Auto
  • Kleinanzeigen
  • Deals
  • Trauer
  • Hochzeit
  • Guide
  • Shop
  • Tickets
  • Veranstaltungskalender
  • Fußball
  • Werben
  • Kontakt
  • Über uns
 
+++ Eilmeldung +++
Aktualisiert vor 2 Minuten.

Weihnachtsferien beginnen früher
VW Emden stoppt Produktion für dieses Jahr

NWZonline.de Nachrichten Kultur Heimatsprachen Snacken en Verstaan

So’n Schiet, dor leep wat scheef!

14.08.2020

Den schönsten Appelgaarn in us Dörp harr fröher Frollein Spark. Wat locken in’n Harfst achter den Hagen för herrliche Appeln un Beern. Goldgele un knallrode, sure un söte, saftige un karnige. Man antokamen weer dor nich, denn de Hagen weer so hoch un dicht, dat dor bold kien Muus döör kunn. Wenn us dat as Jungs maal glück, mit’n langen Stock een van de Fallappeln döör’n Hagen to racken, denn smeck he us so goot, as wi na usen Dünken in’n Leben noch kien eten harrn.

Tjä, un as Jan Spin un ik maal wedder achter ehren Gaarn langssleken un na ehr Appeln spikeleern, do stund Frollein Spark mit’n Maal in’t Door un reep, wi muchen doch eben herkamen. Eerst wullen wi ja utneihn, wiel wi glöven, wi harrn wat utfreten. – Man wiel wi ditmaal würkelk’n rein Geweten harrn, besunnen wi us un kemen sliepsteerts neger. Tjä, un denn wies Frollein Spark us dree grode Bööm, een Beern- un twee Appelbööm. Of wi de nich eben afplücken wulln, schull us Schaden nich wesen. – Un of wi dat wulln! So gau weern wi beiden noch nie nich in’n Boom rinklattert. Man as wi baben den eersten Appel probeern, weer he nich to geneten. – Weer'n eben Wahrappeln, de to Ostern eerst möör ward. – Mit den tweeten Appelboom weer dat jüst so. – Un an den Beerboom, dor seten bloot harte Steenbeern. Dor kunn een sik woll Löcker mit in’n Kopp smieten, man afbieten, dor weer nich an to denken. Wi keken us na de annern Bööm in'n Gaarn um. Man de weern al all kahlplückt.

„Egal“, gnurr Jan Spin, „wi willt us tominnst de Taschen van dat harte Tüüchs vullsteken. – Un geven deit us de Sparksche naher ja doch nix, dor is de veel to grannig to.“ – Tjä, un denn hefft wi de dree Bööm kahl plückt. Weer’n swoor Stück Arbeit. De Bööm weern bannig hoch un seten brekenvull. – As wi denn ennelk hunnenmöö van’n Boom klattern, stunden all us Taschen stief weg, so vull weern de. Man do keem Frollein Stark mit een groden Körv vull herrlich rode un gele Appeln, vull saftige, dicke Beern, un säe mit een sööt Grienen: „So Jungs, dor langt man rin un steekt jo de Taschen vull, so veel as ji man laten köönt.“ Jan Spin un ik, wi keken us bedröövt an. Us Taschen weern ja al bit baben hen vull harte Steenbeern un gröne Wahrappeln. Dor kunn nix mehr rin. – Un denn deen wi bannig verlegen un langen us jeder een Appel un een Beer ut'n Körf, bedanken us un menen, dat weer noog. – Un wat Frollein Spark us ok nögen dee, wi lehnen af. – Man in us kaak dat, denn een kunn marken, wo Frollein Spark sik haag, as se säe: „So’ne bescheidene nette Jungs weern ehr doch in ehr ganz Leben noch nich bemött.“

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.