• Jobs
  • Immo
  • Auto
  • Kleinanzeigen
  • Trauer
  • Hochzeit
  • Guide
  • Shop
  • Tickets
  • Veranstaltungskalender
  • Fußball
  • Werben
  • Kontakt
  • Über uns
 
NWZonline.de Nachrichten Kultur Heimatsprachen Snacken en Verstaan

Up’n Weg na Donnerschwee

24.10.2019

Snack maal mit’n olen Ollnborger över „Donnerschwee“, he ward di foors wat vertellen över de grote Tiet van’n „VfB Oldenburg“, as de in de „Oberliga Nord“ spälen dee un in Donnerschwee sien Tohuus harr, in sien egen Stadion. Een Stadion, wor männigmaal de Favoriten al dat Strükeln lehrt un van de „Hölle des Nordens“ snackt hefft. VfB Oldenburg – Oberliga – Donnerschwee: Mi fallt bi disse Wöör een Geschichte van’n Jung ut’n Ammerland in, de sik geern‘n „Oberligaspiel“ ankieken wull.

Dat weer’n Sünnabend in’n Januar, do vertell disse Jung sien Öllern: „Morgen föhr ik na Ollnborg. De VfB späält gegen den ‚Eimsbütteler TV‘. Dat Spill will ik mi ankieken!“ – „Alleen na Ollnborg? Du büst doch eerst twölf Johr oolt!“ – „Dat kann ik woll vör’nanner kriegen. Mit’n Rad na Ocholt, mit de Iesenbahn över Bad Twüschenahn, Kayhuserfeld un Bloh na Ollnborg. In’n Bahnhoff fraag ik, wor dat na Donnerschwee geiht. In mien Sparbüx is genoog Geld för disse Tour.“

De Jung hett dat bit na’n Ollnborger Bahnhoff allns best henkrägen un hier’n Iesenbahner fraagt, wor he woll dat VfB-Stadion finnen kunn. De hett em den Weg wiest, över de grote Brüch, unner de de Schienen loopt, un denn wieter up de Donnerschweer Straat, jümmer liekut.

De Jung maak sik u’‘n Padd un weer na een korte Tiet ok al up de Donnerschweer Straat. Un hier leep he, ut de Stadt ruut, jümmer wieter un wieter ... Man dat Stadion, dat kunn wiet un siet nich finnen. Gediegen! So’n Stadion mit een grote Tribüün, dat mutt een doch in de Ogen fallen! Amenn fraag he’n ölleren Jungen, de mit’n Rad vörbikeem, wor denn woll dat VfB-Stadion weer. De steeg af un keek usen Ammerlänner Jungen unglöövsch an: „VfB-Stadion? Denn loop man torüch! Du büst nu ja al meist in Ohmstede!“

Us Jung stävel torüch un hett sik allns nipp un nau ankäken. Mit’n Maal seeg he linkerhand so’n lütt Poort, un över disse Poort steiht: „VfB“. „Dat is doch nich dat Stadion!“, sä de Jung so luut, dat anner Lüüd dat hören kunnen. „Doch, mien Jung“, verklor em een Mann, de ok up de Poort togung, „dat is dat Stadion, wat du woll söchst!“ De lütte „Fan“ van‘n VfB Ollnborg leep sinnig, jümmer noch so’n beten unglöövsch, döör disse Poort un ... weer an’t Wunnerwarken. Vör em leeg dat Stadion mit een unmunnig grote Tribüün för’n Barg Tokiekers. He stund mit’n Maal ganz baben, un wiet unnen weer dat Footballfeld. Em weer, as harr man’n groot Lock utbuddelt, un in dit Lock dat Stadion insett.

Enen Dag later kunn he up’n Schoolhoff bannig veel över dat grote Spill vertellen.

1:0 harr Ollnborg wunnen. Waldi Hoffmann weer best wesen, un ok Rylewicz, un Manfred Hoffmann hett in sinen Kasten kinen Ball rinlaten! Enen Dag lang weer he in sien Klass de gröttste. Man dat us Jung eerst maal an dat Stadion vörbilopen weer, dat hett he nich vertellt.

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.