• Jobs
  • Immo
  • Auto
  • Kleinanzeigen
  • Trauer
  • Hochzeit
  • Guide
  • Shop
  • Tickets
  • nordbuzz
  • Fußball
  • Werben
  • Kontakt
 
NWZonline.de Nachrichten Kultur Heimatsprachen Snacken en Verstaan

Utspeelt: Künstler in     Corona-Tieden

18.07.2020

Dat Corona-Virus un wat dor van kamen deit sind in mien Leven bit nu de afsluut Höhepunkt“, stellt R. Kück fast. Darbi hett he in sien 53 Jahrn ok al veel belevt. Upwussen in Bremerhaben, hett he en Utbilden to’n Strippentrecker maakt. To de Tiet weer dat man stur en Arbeitsstäe to finnen. „Denn weer woll velens anners aflopen“, meent R. Kück. As jungen Gesell hett he dat noch bi en Zeitarbeitsfirma versöcht, man hier weern Lohn un Arbeit nich in de Waag. Jichtenswann fragte sik Rüdiger: „Wat maakst du hier egens?“. He hett sin Job an’n Nagel hungen un tourte ’n paar Weken mit sien Motorrad dör Europa. As he weer trügg weer besinnde he sik an de moie Tiet, wo he mit Frünnen un ehrn Musikzirkus de Minschen bleed makde. Rüdiger spelde dorbi up sien afrikaansch Trummel „Djembe“ un wiesde mit sien Jonglage wat he so up’n Kasten harr. He geev sien Wahnung to un tourte mit sien damalig Fründin mit en Wohnmobil as Stratenkünstler dör Europa. In disse Tiet besöchten se en Zirkusschool in Portugal. As se weer in Bremerhaben weern, hett Rüdiger en Anstellen bi de Keramikwarkstäe Bottke in Beverstedt funnen, wo he sik mit de Kunst van de Graveur ut’nannersett hett. Dor is he up veel Volksfesten ünnerwegens ween. Man jümmers weer gung dat för em in’t Utland. 1991/92 tourte he för seven Maand as Stratenkünstler dör Südamerika, wo he de Besöker mit sien Füershow vertöverde. Ok mit de Gedanken dor ganz to blieven hett he speelt, man de Levde wull dat anners. He kunzentrerde sik up Düütschland un dor up de upkamende Middelöllermärkte. Dor hett he sik en egen Show för sien Barbiertheater utklamüstert un leggde sik de Künstlernaam Rod ò Trottoire to.

In old Maneer van de reisend Scharlatane, Kusenrieters un Barbiere kaamt Rod up de Middelöllermärkte un anner Veranstalten, üm as Doktor för dat eenfach Volk de Minschen van ehr Wehdag los to kriegen. De Besöker treckt he bi dit Mitmaaktheater mit in un begeistert de Lüe mit sien Sabbelsnuut. Sien Barbiertheater is jümmers de Stäe, wo sik all geern drapen deit. Bi dit Mitmaaktheater is he Schrieverskeerl, Schauspeler un Regisseur in een Person. En besünner Beleven bi em is jümmers dat Stelzenlopen. För Veranstalten in ganz Düütschland is he bucht wurrn un ok sien Terminklenner för 2020 weer al bumsvull. Dör Corona sind nu all Veranstalten afseggt un dat heet för de Vader, de sien Kinner alleen groottrecken deit, kien Innahmen. „Wat up de hoge Kant legg, is allns upbrukt un de Hülp de us van de Regierung toseggt wurrn is, is nich up us Leven tosnäden. So gifft dat ünner annern för lopen Utgaven för en Bedrief en Toschuss, man wi Künstlers hebbt kien Betriebskosten. Mien Wahnstuuv is to glieker Tiet ok mien Kontor. De Latt hangt för us Solo-Selbstständige temlich wiet baven“, verklart en daalslagen Rüdiger Kück. Tosamen mit anner Künstler hett he de „Initiative Kulturschaffender in Deutschland“ up de Been stellt. „Viellicht köönt wi so en Padd finnen, dat wi noch schier dör de Tiet kaamt?“, kiekt Rüdiger na vörn. Sien Daalslagen is kant un klar rut to hören. „Ik weet nich , of ik as Künstler wietermaken kann?“. So as em, geiht dat nu vele Künstlers.

Frage:

:

Frage:

:

Frage:

:

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.