• Jobs
  • Immo
  • Auto
  • Kleinanzeigen
  • Deals
  • Trauer
  • Hochzeit
  • Guide
  • Shop
  • Tickets
  • Veranstaltungskalender
  • Fußball
  • Werben
  • Kontakt
  • Über uns
 
NWZonline.de Region Wesermarsch Kultur

De vergeten Wiehnachtsmann

23.12.2017

De Wiehnachtsmann is an’n hilligen Daag von Huus to Huus ünnerwegens. Is avends Klock söß un düster is dat ok. Bloot de Wiehnachtslichten sünd överall an. Överall op de veelen Wiehnachtsbööm glimmt un flackert dat Licht. Grell is dat Licht von’ne Wiehnachtsdekorationen över Straaten un Padden. Un in’ne Utlagen von’ne Koophüüs glemmert un blinkert de överbleven Präsente.

De Wiehnachtsmann sluurt mit sien prallen Büdel op’n Rüüch sinnig un mit Bedacht över de Linnenstraat. He will na de Huusnummer veerundartig. Vor de Huusdöör drückt he mit sienen breeten Dumen den Pingelknoop rünner. Pingelingeling! Un nochmaal: Pingelingeling! Un nochmal un nochmal Pingelingeling! „Kien Swien tohuus?“ fraagt sik de Wiehnachtsmann. „Satandüveldönnerslaag!“ De Wiehnachtsmann hett nich veel Tied. Annere Lüü tövt ok op den Wiehnachtsmann. De Töveree vor de Huusnummer 34 maakt den gooden Mann nervöös un grellig.

Mit een Oog pliert de Wiehnachtsmann nu dör de Luuk von’n Zeitungskasten. Nix to sehn in’ne Wohnung. Aver to höörn! De Musik speelt luut un gresig. Kiene Wiehnachtsleeder, nee, Heavy-Metal-Musik. Düvelskraam! Sowat passt doch nich to frohe Wiehnachten!

Einwilligung und Werberichtlinie

Ja, ich möchte den täglichen NWZonline-Newsletter erhalten. Meine E-Mailadresse wird ausschließlich für den Versand des Newsletters verwendet. Ich kann diese Einwilligung jederzeit widerrufen, indem ich mich vom Newsletter abmelde (Hinweise zur Abmeldung sind in jeder E-Mail enthalten). Nähere Informationen zur Verarbeitung meiner Daten finde ich in der Datenschutzerklärung, die ich zur Kenntnis genommen habe.

Nützt nix, de Wiehnachtsmann mööt um dat Huus rumgahn. To’n Verdreeten is dat ! He överleggt: Präsente woller na Huus mitnehmen? Nee, dat will he nich!

De Wiehnachtsmann is füünsch un gnadderig. Siene Tied is knapp. Un denn kummt dat Malöör: Platsch-bum, de Wiehnachtsmann sliddert op den natten Rasen ut, un flüücht koppöver in dat Watergatt rin. Kann angahn, dat de Wiehachtsmann op Hunnen-or Kattenschiet utgliddert is. Aver dat is nu ok egaal, den Schaden hett he un nüms anners.

„Helpt mi, helpt mi, helpt mi !“ schreet de Wiehnachtsmann. Un de swore , natte Kledage treckt den Wiehnachtmann in den Waterpool na unnen. „Helpt mi, helpt mi, helpt mi!“ schreet de Wiehnachtsmann luuthals. He is in Levensgefohr!

Dor kaamt se anloopen: Mudder un Vadder Brengelmann un de Kinder. Möh hebbt se alltosamen, den malöörten Wiehnachtsmann op dat Över to bargen. Tolest klappt dat un denn flink in’t Huus rin. Dat sik de goode Wiehnachtsmann bloot nich verköllt. De rote Jack un de Mütz, siene moije Kledage, överall hangt Aantenkruut un Modderschiet runner. Dat is nix för feine Näsen. Lametta un Wiehnachtsduft, is wat anners. Nadem de Wiehnachtsmann in Brengelmanns Köök siene natten Klamotten von’n Liev reeten hett, kriggt he moie, dröge Kledage an’n Liev. Vadder Brengelmann must för den Wiehnachtsmann siene besten Klamotten ruutrücken, Unnerbüx un Unnerhemd dorto.

Wiehnachtspräsente gifft dat nu nich. De gooden Präsente sünd alltomaal in’n Tümpel in’ne Wicken gahn.

De ganze Angelegenheit wär’n Fall för de Verseekerung. Aver de Verseekerung hett ganz nix betahlt. Bi de Unfallverseekerung harr dat bloot wat geven, wenn de Wiehnachtsmann sik de Knaken brocken harr, or, wenn he ganz in’t Gras beten harr. Un bi de Haftplichtverseekerung greep’ne Utsluß-Klausel, dordör geev dat för den prallen, natten Wiehnachtsbüdel ok nix. Worüm heet dat denn in’n Reklame: „Ihre Versicherung für alle Fälle?“

Un wiel Wiehnachtsmänner kiene Berufsgenossenschop hebbt, geev dat op de Oort ok nix.

Tolest keem na ne Tied bi Brengelmanns ’n Paket an: Moi trechleggt wärn in den Pappkarton de utlehnten Kleeder von Vadder Brengelmann. Allens woller fein akkraat un glattmaakt mit dat Plettiesen. Un denn wärn in den Pappkasten noch’n Sett Ohrenproppen un’ne CD mit Overtüren un Sinfonien in.

De Wiehnachtsmann schreev, de Brengelmanns schullen sik man erstmal’n beten op dat wohre Wiehnachten besinnen. In de tokamen Wiehnachtstied wull he nich wollerkamen, dor schullen de Brengelmanns sik leever de Präsente mit’n Kurier kamen laten. Dissen Deenst kunnen se tosamen mit’n Pizzaservice in’n Internet bestellen. Wieter schreev de Wiehnachtsmann: „Ik bün nu woller dör, ik hebb 4 Weeken mit’ne Lungenentzündung in‘t Hospital leegen. Un dat bloot, wiel ik anner Lüü glücklich maaken wull.“

Geiht dat mit de Kultur den Barg na unnen? De Brengelmanns harrn den Wiehnachtsmann doch maal in’t Krankenhuus besööken kunnt. Hört sik doch so!

Un dat gifft doch soveel moie Wiehnachtsleeder, dat drööv man nich vergeten. De Leeder laat sik wunnerbor singen. „Oh, Du fröhliche!“ Dör de gresige Heavy-Metal- Musik geiht tolest dat Trummelfell in’n Dutt.

Den leeven Wiehnachtsmann mööt man sik doch warm hollen, den kann man nich vor de Döör stahn laten.

So’n vergeten Wiehnachtsmann leevt in’n Streß, kriggt nichmal Minnestlohn, is alltied in Gefohr un slecht verseekert.

Wat hett de Wiehnachtsmann doch för’n Schiet-Job.

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.