• Jobs
  • Immo
  • Auto
  • Kleinanzeigen
  • Trauer
  • Hochzeit
  • Guide
  • Shop
  • Tickets
  • nordbuzz
  • Fußball
  • Werben
  • Kontakt
 
NWZonline.de Region Wesermarsch Wirtschaft

Botter, Kees, Kees un nochmols Kees

27.06.2008

NORDENHAM Körtens hett de Rüstringer Schrieverkring mit Anhang sien Sömmerutfohrt mokt. Ditmal harr de Baas van den Kring een Tour na dat Ammerland utsöcht, üm dat se mol de Wech van de Melk van Koh bit in dat Botter- un Keesregal kennenleern deen. För disse Fohrt wurr denn een groten Bus chartert.

Van de 26 Lüü, de sik anmeld harrn, steeg de Hälfte in Roonkarken in, de annern wurrn up de Wech na Vorel insammelt. Wu dat eben jümmers so is: Wenn Engels reisen, denn is dat moj Weer. Un so weer dat an de Dag ok. De Stimmung weer denn ok dorna.

To de allgemeene Erheiterung hett de Busfohrerin in de Kreisverkehr in Vorel noch een Ehrenrunn dreiht, is denn in Richtung Wiefelstää na de Ammerländer Molkeree fohrn. Wiel de Baas de Lüü dor in disse Kuntrei good kennt, hett he dat kloorkregen, dat se de Molkeree an de Dag ankieken kuun'n.

Een pansioneerten Mitarbeiter van dit Wark hett denn bi Koffie un lüttje Keeshappen erst mol wat över de Werdegang un de Bedriev van de Molkeree vertellt. De weer jo all 1885 gründt wurn un harr to Tied 1779 Melkleeferanten un 190 Mitarbeiters in ganz Düütschland. De Kees un Botter wurrn bit na Russland un sogor na China exporteert, segde he. Denn is de goode Mann mit siene Gäst treppup un treppaf dör de Fabrik lopen, un man kunn een lüttjen Inblick in de Produkschion kriegen. Amenn keemen denn in de letsde Hall luter Pakete mit Kees, nix as Kees rut, de in grote Regole stapelt wurrn.

Mit de Botter gung dat ebenso. De muß ober jo amenn kold holl'n wurrn. De annerthalben Stünn'n gung'n flink vörbi un al freuden sik up de bestellte Koffietafel mit een Stück Erdbeerkoken in de Rhododendroonpark. Dorna kunn jeder sik bi een Rundgang de Been vertreden un sik an de herrlichen Planten erfreun, de jüst in al Farben bleu'n deen.

Nu wurr dat Tied, dat man na Wemkendörp keem, üm to sehn, wu de Melk för de Kees wunnen wurr. De Chef van dit Landwirtschaftsünnernehmen de al up de Gesellschaft luurn un dat Begrööten weer recht hartlich, besünners twüschen de Schrieverkring-Boss un de Buur. De beid kenn'n sik woll ut hör Kinner- oder Jugendtied.

So een groot Anweesen mit rund tweehunnert Melkköh harrn de meesten noch nich sehn. De Köh kamt gornich na buten in't Gröönland, sünnern levd blot in een grooten Loopstall un bruken sik nich sülfst dat Futter söken. De Suugkalver hebbt jeder för sik een eegen Box mit een lütjen Utloop na buten, wor se sik an eene Suugvörrichtung hör Modermelk afholl'n könnt.

Nu weer dat jüst Melktied. De Melkeree weer bannig interessant. De Köh stund'n up een sik langsom drein Karussell un wurrn dör een Melkmaschien mulken. Wenn de Runn för de enzeln Koh to Enn weer, weern de hör Melk loswurrn un kunn denn dat Karussell weer verlaten. Dat deen se denn ok gern, denn in de Loopstall luur al dat Kraftfutter up hör. De Melk weer in de Tied al dör een Computer ünnersöcht, un de Liters meten wurrn. Keen Vergliek to dat Melken för veertig oder fieftig Johr. To half acht obends luur denn dat Abendeten in Conneforde up de Gesellschaft. Al leten sik dat good smecken. Mööd, mit'n vull'n Lief keem'n se denn gegen half tein na een herrlichen Dag weer „an de Burg“.

Weitere Nachrichten:

Baas

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.